Dinamalar

விஜய்யின் பீஸ்ட் படப்பிடிப்பில் நடன இயக்குனர் பிறந்தநாள் கொண்டாட்டம்

மாஸ்டர் படத்திற்கு பிறகு விஜய்யின் 65வது திரைப்படமாக பீஸ்ட் படம் வேகமாக உருவாகி வருகிறது. நெல்சன் இயக்கும் இப்படத்தில் விஜய்க்கு ஜோடியாக பூஜா ஹெக்டே நடித்து வருகிறார். இவர்களுடன் அபர்ணா தாஸ், யோகி பாபு, விடிவி கணேஷ் ஆகியோர் முக்கிய கதாபாத்திரத்தில் நடிக்கின்றனர். அனிருத் இந்த படத்திற்கு இசையமைத்து வருகிறார்.

இந்த படத்தின் முதற்கட்ட படப்பிடிப்பு கடந்த மாதம் ஜார்ஜியாவில் தொடங்கியது. இதில் விஜய்- பூஜா ஹெக்டேவின் பாடல் காட்சி ஒன்று படமாக்கப்பட்டது. இதையடுத்து 14 நாட்கள் படப்பிடிப்பு முடிந்து சென்னை திரும்பிய படக்குழு இரண்டாம் கட்ட படப்பிடிப்பை தொடங்க இருந்தது. ஆனால் கொரானா இரண்டாம் அலை காரணமாக படப்பிடிப்பு தள்ளி வைக்கப்ட்டது. தற்போது கொரானா தொற்று குறைந்ததால் அனுமதியளிக்கப்பட்டதை தொடர்ந்து நேற்று முன் தினம் படப்பிடிப்பு தொடங்கியது.

சென்னையில் உள்ள கோகுலம் ஸ்டுடியோவில் தொடங்கிய இந்த படப்பிடிப்பில் ஒரு பாடல் காட்சி படமாக்கப்பட்டு வருகிறது. பீஸ்ட் படத்தில் நடன இயக்குனராக ஜானி மாஸ்டர் பணியாற்றி வருகிறார். ஜானி மாஸ்டர் நேற்று தனது பிறந்தநாளை கொண்டாடினார். இதையொட்டி படப்பிடிப்பு தளத்தில் படக்குழுவினரோடு இணைந்து ஜானி மாஸ்டர் பிறந்தநாளை உற்சாகமாக கொண்டாடினார். அப்போது ஜானி மாஸ்டரை கட்டிப்பிடித்து விஜய் வாழ்த்து கூறினார். படப்பிடிப்பு தளத்தில் நடந்த இந்த சுவாரசிய சம்பவங்களின் புகைப்படங்கள் வெளியாகியுள்ளன.

• 
  விவாகரத்து நெருங்கிவிட்டது என பதிவு போட்ட ரசிகருக்கு சோனாக்ஷி கொடுத்த ...
• 
  100 கோடி ரூபாய் வீட்டிற்குக் குடிப்போகும் தீபிகா படுகோனே - ரன்வீர் சிங்
• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்
• 
  ஜெய ஜெய ஜெய ஜெய ஹே ஹிந்தி ரீமேக்கை அமீர்கான் கைவிட்டது ஏன்? : நடிகர் புது ...
• 
  ஹிந்தி படத்தில் கரீனா கபூருக்கு ஜோடியாக இணைந்த பிரித்விராஜ்

• 
  லவ் இன்ஷுரன்ஸ் கம்பெனி - அப்டேட் கொடுத்த விக்னேஷ் சிவன்
• 
  கார் பந்தய பயிற்சியின்போது மீண்டும் விபத்தில் சிக்கிய அஜித்
• 
  ரீ-ரிலீஸில் சச்சின் படத்தின் முதல் நாள் வசூல் எவ்வளவு
• 
  ரயில் ஜன்னல் கம்பி வழியாக மாளவிகா மோகனனிடம் முத்தம் கேட்ட மர்ம நபர்
• 
  ரெட்ரோ படத்தின் டிரைலரை உருவாக்கிய அல்போன்ஸ் புத்ரன்