Dinamalar

பாபநாசம் 2 : கமலுடன் முதல்முறையாக ஜோடி சேரும் பிரபல நடிகை?

மலையாளத்தில் மோகன்லால் - மீனாவை வைத்து ஜீத்து ஜோசப் இயக்கிய படம் திரிஷ்யம். இப்படம் தமிழ், தெலுங்கு, கன்னடம், ஹிந்தி என பல மொழிகளிலும் ரீமேக் ஆனது. தமிழில் பாபநாசம் என்ற பெயரில் கமல் - கவுதமியை வைத்து ரீமேக் செய்தார் ஜீத்து ஜோசப்.

இந்நிலையில் திரிஷ்யம் படத்தின் இரண்டாம் பாகத்தையும் மோகன்லால் - மீனாவை வைத்து இயக்கிய அவர் தெலுங்கில் வெங்கடேஷ், மீனாவை வைத்து இயக்கினார். ஆனால் தமிழில் பாபநாசம்-2 படத்தை கமலை வைத்து ஜீத்துஜோசப் எப்போது இயக்குவார்கள் என்கிற கேள்விகள் எழுந்துள்ள நிலையில், இந்தியன் 2, லோகேஷ் கனகராஜ் இயக்கும் விக்ரம் படத்தை அடுத்து கமல் கைவசம் படங்கள் உள்ளன. இருப்பினும் பாபநாசம்-2 படத்தில் கமல் நடிக்கப்போவதாகவே கூறப்படுகிறது.

அதோடு, முதல் பாகத்தில் கமலுக்கு ஜோடியாக நடித்த கவுதமிக்கும், கமலுக்கு இடையே விரிசல் விழுந்திருப்பதால் அவருக்குப் பதிலாக மீனா நடிப்பதாக செய்திகள் வெளியாகி வந்தன. ஆனால் இப்போது நதியா நடிக்க இருப்பதாக செய்தி வெளியாகி உள்ளன. அப்படி பாபநாசம்-2 படத்தில் கமலுடன் நதியா நடித்தால் இதுதான் அவருடன் நதியா ஜோடி சேரும் முதல் படமாக இருக்கும். மேலும், திரிஷ்யம் படத்தின் முதல் இரண்டு பாகங்களின் தெலுங்கு ரீமேக்கில் ஆஷா சரத் நடித்த ஐபிஎஸ் வேடத்தில் நதியா தான் நடித்திருந்தார் என்பது குறிப்பிடத்தக்கது.

• 
  வித்யூத் ஜம்வால் நிர்வாண போஸ்
• 
  ஹிந்தியில் ஓப்பனிங்கிலேயே சரிவடைந்த பிரபாஸின் 'தி ராஜா சாப்' வசூல்!
• 
  வேதநாங் ரெய்னா, குஷி கபூரின் 2 வருட காதல் முறிந்ததா?
• 
  தமன்னா கீ ரோலில் நடித்துள்ள 'ஓ ரோமியோ' ஹிந்தி படம் பிப்.,13ல் ரிலீஸ்!
• 
  அமிதாப் பச்சனை பார்க்க ஷாப்பிங் மாலில் நடந்த தள்ளுமுள்ளுவில் கண்ணாடி ...

• 
  ஜனநாயகன் தாமதம் ஆனாலும், சரியான நேரத்தில் வெளியாகும் : நடிகர் கார்த்தி
• 
  ஜனநாயகன் சென்சார் பிரச்னை.... : எல்லாம் நன்மைக்கே என்கிறார் விமல்
• 
  பிளாஷ்பேக்: நடிகர் முத்துராமனின் திரைப்பயணத்திற்கு திருப்புமுனையாய் ...
• 
  தெலுங்கில் குத்தாட்டம் போட்ட சான்வி மேக்னா
• 
  'தெறி' ரீரிலீஸ் திடீர் ஒத்திவைப்பு