Dinamalar

'பஞ்சதந்திரம் 2' : கமல்ஹாசன் முடிவெடுப்பாரா ?

தமிழ் சினிமாவில் வெளிவந்த படங்களில் ரசிகர்களின் மாபெரும் வரவேற்பைப் பெற்ற சில படங்களின் இரண்டாம் பாகம் வெளிவந்துள்ளன. அவற்றில் சில வரவேற்பைப் பெற்றாலும், சில தோல்வி அடைந்துள்ளன.

இருந்தாலும் ரசிகர்கள் தாங்கள் அடிக்கடி ரசிக்கும் சில படங்களின் இரண்டாம் பாகம் வந்தால் நன்றாக இருக்குமே என சமூக வலைத்தளங்களில் பதிவிடுவார்கள். அப்படியான படங்களில் ஒன்று 'பஞ்சதந்திரம்'. கே.எஸ்.ரவிக்குமார் இயக்கத்தில் கமல்ஹாசன், ஜெயராம், ரமேஷ் அரவிந்த், யூகி சேது, ஸ்ரீமன், ரம்யா கிருஷ்ணன், சிம்ரன் மற்றும் பலர் நடித்து 2002ம் ஆண்டில் வெளிவந்த படம்.

இப்படம் வெளிவந்து 19 ஆண்டுகளுக்கு மேலாகியும் இப்போதும் டிவியில் ஒளிபரப்பினால் ரசிகர்கள் ரசித்துப் பார்ப்பார்கள். அந்த அளவிற்கு படம் முழுவதும் நகைச்சுவை விரவியிருக்கும். இப்படத்தின் இரண்டாம் பாகம் பற்றி 'பஞ்ச' ஐவரில் ஒருவராக நடித்த நடிகர் ஸ்ரீமன்னிடம் ரசிகர்கள் கேட்டிருப்பார்கள் போலிருக்கிறது.

அதற்கு அவர், “'பஞ்சதந்திரம்' படத்தின் இரண்டாம் பாகம் வர வாய்ப்பிருக்குமா பலர் என்னிடம் திரும்பத் திரும்ப ஒரே கேள்வியைக் கேட்கிறீர்கள். எனக்குத் தெரிந்தவரையில் கமல்ஹாசன் சார் முடிவு செய்தால் அது நடக்கும். உங்களைப் போலவே படத்தின் மொத்த குழுவினரும் அது நடக்குமா, நடக்காதா என காத்துக் கொண்டிருக்கிறோம்,” என டுவீட் செய்துள்ளார்.

ஏற்கெனவே, 'இந்தியன் 2' என்ற இரண்டாம் பாகத்தை ஆரம்பித்து கமல்ஹாசன் சிக்கிக் கொண்டுள்ளார். அதனால், இன்னொரு இரண்டாம் பாகமா என அவர் அதிர்ச்சியடையும் வாய்ப்புண்டு. சினிமா சென்டிமென்ட்டுகளை கமல் நம்ப மாட்டார் என்றால் 'பஞ்ச தந்திரம்' படத்தைப் பற்றி அவர் யோசிக்கலாம். ரசிகர்களின் ஆசைக்கும் மேலாக ஸ்ரீமன்னின் ஆசையையும், படக்குழுவினரின் ஆசையையும் கமல் நிறைவேற்றுவாரா ?.

• 
  தாரே ஜமீன் பர் படத்தை யு-டியூப்பில் இலவசமாக வெளியிடும் அமீர்கான்
• 
  5 ஆண்டுகளாக உருவான 'சையாரா' பாடல்கள்
• 
  பாலியல் குற்றச்சாட்டுக்கு ஆளான ஒளிப்பதிவாளர் குறித்து தயாரிப்பாளர் ...
• 
  ஹாலிவுட் படத்தில் நடிக்கும் திஷா பதானி
• 
  மோகன்லால், மம்முட்டி படத்தை முடித்துவிட்டு சல்மான் கானை இயக்க தயாராகும் ...

• 
  ரஜினி பிறந்தநாளில் ரீ ரிலீஸ் ஆகும் அண்ணாமலை!
• 
  தமிழகம் எனக்கு உறுதுணையாக உள்ளது : நன்றி சொன்ன கமல்
• 
  விஜய்சேதுபதி படத்தில் ராதிகா ஆப்தேவுக்கு பதிலாக நிவேதா தாமஸ்?
• 
  விக்ரம் சுகுமாரன் மறைவுக்குப் பிறகு ஓடிடியில் வெளியான மதயானை கூட்டம்
• 
  அறிவுரை சொல்பவர்கள் முதலில் தாங்கள் ஒழுங்கானவர்களா? : நடிகர் விநாயகன் ...