Dinamalar

12 மொழிகளில் வெளியாகும் 'ஆர்ஆர்ஆர்'

ராஜமவுலி இயக்கத்தில், ஜுனியர் என்டிஆர், ராம் சரண், ஆலியா பட் மற்றும் பலர் நடிக்கும் படம் 'ஆர்ஆர்ஆர்'. இப்படத்தின் டிஜிட்டல் உரிமைகளை வாங்கி பென் மூவீஸ் நிறுவனம் மொழிவாரியாக சாட்டிலைட் மற்றும் ஓடிடி உரிமைகள் யாருக்கு விற்கப்பட்டுள்ளன என்பதை நேற்று அதிகாரப்பூர்வமாக அறிவித்தது.

தெலுங்கு, தமிழ், மலையாளம், கன்னடம் ஆகிய மொழிகளின் ஓடிடி உரிமை ஜீ 5 நிறுவனத்திற்கும், ஹிந்தி உரிமை நெட்பிளிக்ஸ் நிறுவனத்திற்கும் விற்கப்பட்டுள்ளது.

ஹிந்தி சாட்டிலைட் உரிமை ஜீ சினிமா, தெலுங்கு உரிமை ஸ்டார் மா, தமிழ் உரிமை ஸ்டார் விஜய், மலையாள உரிமை ஏசியா நெட்டி, கன்னட உரிமை ஸ்டார் ஸ்வர்ணா ஆகிய டிவிக்களிடம் விற்கப்பட்டுள்ளது. ஆங்கிலம், போர்ச்சுகீஸ், கொரியன், துர்க்கிஷ், ஸ்பானிஷ் ஆகிய மொழிகளுக்கான டிஜிட்டல் உரிமை நெட்பிளிக்ஸ் தளத்திற்கு கொடுக்கப்பட்டுள்ளது.

மேலே குறிப்பிடப்பட்டுள்ள டிஜிட்டல் மற்றும் சாட்டிலைட் உரிமைகள் 525 கோடி ரூபாய்க்கு விற்கப்பட்டுள்ளதாக ஏற்கெனவே செய்திகள் வெளிவந்துள்ளன.

நேற்றைய அறிவிப்பின் மூலம் 'ஆர்ஆர்ஆர்' படம் இந்திய மொழிகளான தெலுங்கு, தமிழ், மலையாளம், கன்னடம், ஹிந்தி ஆகிய மொழிகளில் மட்டுமல்லாது, அந்நிய மொழிகளான ஆங்கிலம், போர்ச்சுகீஸ், கொரியன், துர்க்கிஷ், ஸ்பானிஷ் ஆகிய மொழிகளிலும் வெளியாக உள்ளது. அவற்றோடு ஜப்பான், சீனா மொழிகளிலும் படத்தை வெளியிட உள்ளனர். இதன் மூலம் உலக அளவில் 12 மொழிகளில் 'ஆர்ஆர்ஆர்' படம் வெளியாகப் போகிறது.

ஒரு இந்தியத் திரைப்படம் அதுவும் தென்னிந்தியத் திரைப்படம் இத்தனை மொழிகளில் வெளியாவது இதுவே முதல் முறை.

• 
  ஹிந்தி நடிகர் சதீஷ் ஷா காலமானார்
• 
  பவர்புல்லான சவுண்ட் ஸ்டோரி : விவேக் ஓபராய்
• 
  பாலிவுட் என்று அழைக்காதீர்கள் : ஜெயா பச்சன் காட்டம்
• 
  முதன்முதலாக குழந்தையை அறிமுகப்படுத்திய தீபிகா, ரன்வீர் சிங்
• 
  அட்லி - அல்லு அர்ஜூன் படம் ஒரு சினிமா புரட்சி! ரன்வீர் சிங் வெளியிட்ட தகவல்

• 
  மீண்டும் தனுஷூக்கு அப்பாவாக கே.எஸ்.ரவிக்குமார்!
• 
  இரண்டாவது முறையாக ஏ.எல். விஜய் படத்திற்கு இசையமைக்கும் ஹாரிஸ் ஜெயராஜ்!
• 
  தனுஷ் 55வது படத்தில் இணைந்த பைசன் பட பிரபலம்!
• 
  ஜீவா, எம். ராஜேஷ் படத்தில் இணைந்த இளம் நாயகி!
• 
  கர்நாடகாவில் மற்றுமொரு சாதனை படைத்த 'காந்தாரா சாப்டர் 1'