Dinamalar

தமிழில் தாமதமாகும் ஓடிடி ரிலீஸ் படங்கள் : காரணம் என்ன ?

2020ம் ஆண்டு கொரோனா முதல் அலை பரவிய உடனேயே தியேட்டர்கள் மூடப்பட்டன. பொழுதுபோக்கிற்கு ஏங்கித் தவித்த மக்களுக்கு ஓடிடி தளங்கள் ஒரு வடிகாலாக அமைந்தன. பழைய படங்களைத் திரும்பவும் பார்த்த மக்களுக்கு புதிய படங்களையே நேரடியாக தங்கள் தளங்களில் வெளியிட வைத்து ஆனந்த அதிர்ச்சியைக் கொடுத்தன ஓடிடி நிறுவனங்கள்.

கடந்த வருடம் மட்டும் 20க்கும் மேற்பட்ட படங்கள் ஓடிடியில் வெளிவந்தன. தமிழ்நாட்டில் கடந்த மாதம் 26ம் தேதி முதல் தியேட்டர்கள் மூடப்பட்டுள்ளன. சுமார் மூன்று வார காலமாகியும் ஓடிடி தளங்களில் புதிய படங்கள் நேரடியாக வெளியாகவில்லை.

ஏப்ரல் மாதத்திலும், மே மாதத்திலும் தியேட்டர்களில் படத்தை வெளியிடுவதற்காக பல படங்களை திட்டமிட்டிருந்தார்கள். இப்படி இரண்டாவது அலை வந்து தாக்கும் என யாருமே எதிர்பார்க்கவில்லை. தியேட்டர்கள் வெளியீடு என்பதை வைத்துத்தான் சாட்டிலைட் டிவி மற்றும் ஓடிடி வெளியீடு ஒப்பந்தங்களை பல தயாரிப்பாளர்கள் போட்டுள்ளார்கள்.

திடீரென ஓடிடியில் நேரடி வெளியீடு என்றால் ஏற்கெனவே போட்ட ஒப்பந்தங்களை மாற்ற வேண்டும். அதில் சில பல சிக்கல்கள் இருப்பதால்தான் ஓடிடி தளங்களில் கடந்த மூன்று வார காலமாக நேரடியாக எந்தப் படமும் வெளியாகவில்லை என்கிறார்கள்.

பல படங்கள் அவர்களது ஒப்பந்தங்களை மாற்றியமைக்கும் முயற்சியில் ஈடுபட்டுள்ளார்களாம். தியேட்டர்களைத் திறக்க எப்படியும் இன்னும் இரண்டு மாதங்களாவது ஆகும் என்பதுதான் தற்போதைய நிலைமை. ஜுன் மாதத்திலிருந்து சில பல புதிய படங்களின் நேரடி வெளியீடு பற்றிய அறிவிப்புகள் வெளிவரும் எனத் தெரிவிக்கிறார்கள்.

• 
  துரந்தர் 2 தெலுங்கு பதிப்பில் இடம் பெறும் ஹிந்தி பாடல்கள்
• 
  துரந்தர் 2 டிரைலர் : 5 மொழிகளில் 65 மில்லியன் பார்வைகள்
• 
  ஆக்ஷன் மோட் ஆன் : துரந்தர் 2 டிரைலர் வெளியானது
• 
  வதந்திகளுக்கு முற்றுப்புள்ளி: 'துரந்தர்- 2' படத்தின் டிரைலர் நாளை ...
• 
  மூன்று வருடங்களுக்கு பிறகு மீண்டும் நடிப்புக்கு திரும்பிய ஐஸ்வர்யா ராய்

• 
  தலைவா படத்தில் பிரச்னைக்குரிய வார்த்தைகளை சேர்த்தது யார்? : சஸ்பென்ஸ் ...
• 
  சூர்யா தெலுங்கில் நடிக்கும் படம் பிரித்விராஜ் படத்தின் தழுவலா ?
• 
  சூரி படத்தில் காமெடியனாக நடிக்க வேண்டும் : யோகி பாபு விருப்பம்
• 
  அல்லு அர்ஜுன் படத்திற்கு அனிருத் சம்பளம் எவ்வளவு தெரியுமா...
• 
  15வது திருமணநாள் : மனைவிக்கு காஸ்ட்லி கார் பரிசளித்த அல்லு அர்ஜுன்