Dinamalar

ஓடிடியில் அடுத்தடுத்து தனுஷின் 2 படங்கள்

தமிழ்த் திரையுலகின் முன்னணி நடிகர்களில் ஒருவர் தனுஷ். அவர் நடித்த 'கர்ணன்' படம் கடந்த மாதம் ஏப்ரல் 9ம் தேதி தியேட்டர்களில் வெளியானது. வெளியான மறுநாளிலேயே தியேட்டர்களில் 50 சதவீத இருக்கைகளுக்குத்தான் அனுமதி என்றார்கள். அதன்பின் இரண்டு வாரங்களில் தியேட்டர்களை முழுவதுமாகவும் மூடிவிட்டார்கள்.அதனால் 'கர்ணன்' படத்தை பெரும்பாலானவர்கள் இன்னும் பார்க்கவில்லை.

இருந்தாலும், அவர்களுக்காகவே படத்தை ஒரு மாதத்தில் ஓடிடி தளத்தில் வெளியிட உள்ளார்கள். அடுத்த வாரம் மே 14ம் தேதி 'கர்ணன்' படம் ஓடிடியில் வெளியாகிறது என செய்திகள் வந்துள்ளன. தியேட்டர்களில் படத்தைப் பார்க்காதவர்கள் ஒரு மாதத்தில் ஓடிடியில் படத்தைப் பார்க்க வாய்ப்பை ஏற்படுத்திக் கொடுத்துள்ளார்கள்.

அடுத்து கார்த்திக் சுப்பராஜ் இயக்கத்தில் தனுஷ் நடித்துள்ள 'ஜகமே தந்திரம்' படத்தை ஜுன் 18ம் தேதி நேரடியாக ஓடிடி தளத்தில் வெளியிட உள்ளார்கள். ஒரு மாத இடைவெளியில் அடுத்தடுத்து தனுஷ் நடித்துள்ள இரண்டு படங்களை ஓடிடி தளத்தில் பார்க்கும் வாய்ப்பு அவரது ரசிகர்களுக்கு கிடைக்கப் போகிறது.

தனுஷின் அடுத்த படம் எப்படியும் அடுத்த ஆண்டுதான் வெளியாகும். தற்போது தனுஷ் சில புதிய படங்களில் நடித்து வந்தாலும, கார்த்திக் நரேன் இயக்கத்தில் நடிக்கும் படம்தான் முதலில் வரும் என்று எதிர்பார்க்கப்படுகிறது.

• 
  கணவர் மீது புகார் அளித்துள்ள செலினா ஜெட்லி
• 
  ஜோசப் ரீமேக்கை பார்க்காமலேயே தர்மேந்திரா மறைந்து விட்டார் : மலையாள ...
• 
  ஹிந்தியில் மீண்டும் தடம் பதிப்பாரா தனுஷ்?
• 
  சினிமா டூ அரசியல் : பாலிவுட்டின் ‛ஹீ மேன்' தர்மேந்திராவின் வாழ்க்கை ...
• 
  ஹிந்தி நடிகர் தர்மேந்திரா காலமானார்

• 
  நான் நிஜமாகவே அதிர்ஷ்டசாலி : மாளவிகா மோகனன் மகிழ்ச்சி
• 
  முதன்முதலில் அதிகமாக ட்ரோல் செய்யப்பட்ட படம் 'அஞ்சான்': இயக்குனர் ...
• 
  கீர்த்தி சுரேஷ் வைத்த அன்பான கோரிக்கையை நிராகரித்த தனுஷ்
• 
  விஜய் ஆண்டனி இசையமைத்து பாடிய பூக்கி படத்தின் முதல் பாடல் வெளியானது!
• 
  தனுஷின் தேரே இஷ்க் மெயின் படத்தின் ப்ரீ புக்கிங் எவ்வளவு?