Dinamalar

லிப்ட்-ல் பாடிய சிவகார்த்திகேயன்

சின்னத்திரை நடிகராக இருந்த கவின், பிக்பாஸ் நிழ்ச்சி மூலம் பிரபலமானார். இப்போது ‛லிப்ட்' என்ற படத்தில் ஹீரோவாக நடிக்கிறார். நாயகியாக, அமிர்தா ஐயர் நடிக்க, இவர்களுடன் கிரண், காயத்ரி உள்ளிட்ட பலர் நடித்திருக்கிறார்கள். சஸ்பென்ஸ் திரில்லர் நிறைந்த இந்த படத்தை வினீத் வரபிரசாத் இயக்கியிருக்கிறார். இப்படத்தில் நிஷாந்தின் பாடல் வரிக்கு, பிரிட்டோ மைக்கேல் இசையில் இன்னா மயிலு.. என்ற பாடலை நடிகர் சிவகார்த்திகேயன் பாடியிருக்கிறார். இவருடன் குழந்தை நட்சத்திரம் பூவையாரும் பாடி உள்ளார். தற்போது இந்த பாடலை வெளியிட்டுள்ளனர்.

இந்த பாடலை பற்றி தயாரிப்பாளர் ஹேப்ஸி பேசுகையில், இசையமைப்பாளர் பிரிட்டோ மைக்கேலின் துள்ளலான மெட்டுக்கு, நிஷாந்த் எழுதிய இளமை ததும்பும் பாடல் வரிகளை, தன் மாயாஜால குரலால் அற்புதமாக பாடியிருக்கிறார் சிவகார்த்திகேயன். படத்தின் முகவரியாக அமைந்திருக்கும் இன்னா மயிலு.. என்ற பாடலை சிவகார்த்திகேயன் பாட சம்மதித்ததும், படக்குழுவினருக்கு உற்சாகம் பீறிட்டது. இந்த பாடலுக்கான பதிவின்போது அவர் வருகை தந்து, எங்களுக்குள் இருந்த பதற்றத்தை தணித்து, சூழலை இனிமையானதாக்கி, எளிதாகவும், மிக நேர்த்தியாகவும் அந்தப் பாடலை பாடினார். வசீகரமான அவரின் குரலில் இந்த பாடல் வரிகளை கேட்டபோது ரசிகர்களின் ஆனந்த மனநிலையில் நான் உள்ளிட்ட படக்குழுவினர் இருந்தோம். இன்னா மயிலு.. என்ற பாடலை பாடிய சிவகார்த்திகேயனுக்கு மனதார நன்றியை தெரிவித்துக் கொள்கிறேன் என்றார்.

• 
  காக்டெயில் 2 படத்தில் நடிக்க பயந்தேன் : ராஷ்மிகா மந்தனா
• 
  ஹிந்தியில் 'திரிஷ்யம் 3' படப்பிடிப்பு நிறைவு
• 
  60 வயதில் மூன்றாவது திருமணம் : அமீர்கானை விமர்சிக்கும் ரசிகர்கள்
• 
  பிகினி தோற்றம் : கிரித்தி சனோன் வெளியிட்ட தகவல்
• 
  'மாம் 2' படப்பிடிப்பில் குஷி கபூரின் நடிப்பால் அதிருப்தியில் ...

• 
  கோர்ட் உத்தரவை மீறி பேட்டி : மன்னிப்பு கேட்ட ரவி மோகன்
• 
  சென்னையில் தான் இருக்கிறேன், ஐதராபாத்தில் குடியேறவில்லை : ஐஸ்வர்யா ...
• 
  ரேனிகுண்டா 2 படத்தின் முதல் பார்வை வெளியீடு
• 
  சூர்யாவை தொடர்ந்து அர்ஜூனுக்கும் வெற்றி : 50 கோடியை நெருங்கும் பிளாஸ்ட்
• 
  மஞ்சும்மல் பாய்ஸ் மாதிரி தமிழகத்தில் பாலன் ஓடுமா?