Dinamalar

‛அண்ணாத்த' படப்பிடிப்பு : தனி விமானத்தில் ஐதராபாத் பறந்த ரஜினி

அண்ணாத்த படப்பிடிப்புக்காக சென்னையில் இருந்து ஐதராபாத்திற்கு தனி விமானத்தில் சென்றார் நடிகர் ரஜினிகாந்த்.

சிவா இயக்கத்தில் ரஜினிகாந்த், நயன்தாரா, கீர்த்தி சுரேஷ், மீனா, குஷ்பு உள்ளிட்டோர் நடிப்பில் உருவாகி வரும் படம் ‛அண்ணாத்த'. இமான் இசையமைக்கிறார். இப்படத்தின் படப்பிடிப்பு ஐதராபாத்தில் கடந்தாண்டு நடந்தது. கொரோனா பிரச்னை ஏற்பட்டதால் படப்பிடிப்பு நின்றது. பிறகு மீண்டும் படப்பிடிப்புக்கு நடத்த அனுமதி வழங்கப்பட்டதும், மீண்டும் ஐதராபாத்தில் படப்பிடிப்பை தொடங்கினர். அப்போது அங்கு படக்குழுவில் நால்வருக்கு கொரோனா தொற்று ஏற்பட்டதோடு ரஜினியின் உடல்நிலையும் பாதிக்கப்பட்டது. இதனால் மீண்டும் படப்பிடிப்பு நின்றது. அதோடு சட்டசபை தேர்தலில் போட்டியிடுவேன் என கூறி வந்த ரஜினி, உடல்நிலையை காரணம் காட்டி அரசியல் இனி இல்லை என அறிவித்தார்.

பிறகு சமீபத்தில் சென்னையில் அண்ணாத்த படப்பிடிப்பை தொடங்கினர். இங்குள்ள கோகுலம் ஸ்டுடியோவில் பாடல் மற்றும் சில காட்சிகள் படமாக்கப்பட்டன. ரஜினியும் சில நாட்கள் படப்பிடிப்பில் பங்கேற்றார். தற்போது மீண்டும் ஐதராபாத்தில் உள்ள ராமோஜிராவ் ஸ்டுடியோவில் அண்ணாத்த படப்பிடிப்பு நடக்கிறது. இதற்காக இன்று(ஏப்.,8) காலை சென்னை விமான நிலையத்தில் இருந்து சிறப்பு விமானம் மூலம் ஐதராபாத் பறந்து சென்றார் நடிகர் ரஜினிகாந்த்.

• 
  நடிகை ஷில்பா ஷெட்டியின் ரெஸ்டாரன்ட் நாளை மூடப்படுகிறது!
• 
  தங்கம் கடத்தலில் ஈடுபட்டு சிறையில் இருக்கும் நடிகைக்கு 102 கோடி அபராதம்
• 
  குருவாயூரப்பனை தரிசனம் செய்த அக்ஷய் குமார்
• 
  இயக்குனர் சஞ்சய் லீலா பன்சாலி மீது ராஜஸ்தானில் எப்ஐஆர் பதிவு
• 
  ரூ.581 கோடி வசூல் பெற்ற 'சாயரா'

• 
  நடிகர் வெண்ணிற ஆடை மூர்த்தி பேரன் மனஸ் மானு சினிமாவுக்கு வருகிறார்
• 
  சமந்தா வெளியிட்ட துபாய் பேஷன் ஷோ வீடியோவில் தெரிந்த ஆணின் கை!
• 
  வீர தீர சூரன்- 2 படத்திற்கு பிறகு மூன்று படங்களில் கமிட்டான விக்ரம்!
• 
  ஏஐ தொழில்நுட்பத்தை பயன்படுத்துவது புத்திசாலித்தனம்! இயக்குனர் லோகேஷ் ...
• 
  6 வருடங்களில் 6 படம்: ஷிவாத்மிகாவுக்கு கை கொடுக்குமா 'பாம்'