Dinamalar

விஜய் சேதுபதிக்காக காத்திருக்கும் ராமராஜன்

தமிழ் சினிமாவில் கமல், ரஜினி இருவருக்கும் இடையில் இருந்து கொண்டு அவர்களுக்கு நிகரான வெற்றியையும், வசூலையும் கொடுத்தவர் ராமராஜன். இன்று வரை நடித்தால் ஹீரோவாகத்தான் நடிப்பேன் என்கிற உறுதியோடு இருக்கிறார்.

சினிமா, அரசியல் என ஒரு ரவுண்ட் வந்துவிட்ட அவர் வாழ்வில் நிறைய ஏற்ற, இறக்கங்களை பார்த்துவிட்டார். சமீபத்தில் அவரை கொரோனா தாக்கியது. அதன் கொடூர பிடியில் இருந்தும் தப்பி வந்து விட்டார். இப்போது அவர் ஒரு புதிய படத்தை டைரக்டு செய்வதற்கான முயற்சியில் ஈடுபட்டு இருக்கிறார். இதற்காக திரைக்கதை எழுதும் வேலையில் ஈடுபட்டு வருகிறார். இயக்குனராக தனது சினிமா வாழ்க்கையை தொடங்கிய ராமஜான் மீண்டும் இயக்குனராக களம் இறங்குகிறார்.

இதுபற்றி அவர் கூறியதாவது: ‛‛நான் ஹீரோவாக 44 படங்களில் நடித்து இருக்கிறேன். 5 படங்களை இயக்கி இருக்கிறேன். 49 படங்களும் பெண்களுக்கு மரியாதை கொடுக்கும் கதையம்சம் கொண்டதாகவே இருந்தன. நான் இயக்க இருக்கும் புதிய படமும் பெண்களுக்கு மரியாதை கொடுக்கும் கதையம்சம் கொண்டதாகவே இருக்கும். சினிமாவில் பெண்களை மதித்தவன். அதுபோல் அரசியலில் நான் கடைசி வரை ஜெயலலிதா அம்மாவின் தொண்டனாகவே இருப்பேன். தற்போது நான் தயார் செய்து கொண்டிருக்கும் கதை விஜய்சேதுபதிக்கு பொருத்தமாக இருக்கும். மேலும் சில கதைகளும் என்னிடம் உள்ளன'' என்கிறார் ராமராஜன்.

• 
  அடுத்தமுறை ஆஜராகாவிட்டால் கைது ; கங்கனாவிடம் நீதிமன்றம் கடுமை
• 
  ஆபாச பட வழக்கு : ஷில்பா ஷெட்டி கைதாக வாய்ப்பு?
• 
  பங்குச்சந்தையில் மோசடி : ஷில்பா ஷெட்டி, ராஜ் குந்த்ராவுக்கு அபராதம்
• 
  கங்கனாவின் வித்தியாச தோற்றத்துக்கு வரவேற்பு
• 
  டூப் போடாமல் சண்டைக்காட்சிகளில் அசத்திய சன்னிலியோன்

• 
  எம்மதமும் என் மதமே : ராமராஜன்
• 
  மீண்டும் களமிறங்கும் காயத்ரி ரகுராம்
• 
  மூன்று நாட்கள் பொறுங்கள் : ராதே ஷ்யாம் இயக்குனர் வேண்டுகோள்
• 
  'பேக் டூ பேக்' ஓடிடி ராசியில் ஆர்யா, நயன்தாரா
• 
  சண்டை காட்சியில் நடித்தபோது ஜெய்க்கு காயம்