Dinamalar

மரைக்காருக்கு தேசிய விருது: அசோக் செல்வன் பெருமிதம்

மோகன்லால் நடிப்பில் பிரியதர்ஷன் இயக்கி உள்ள மலையாள திரைப்படமான மரைக்கார் அரபிக் கடலின்ட சிம்மம் படத்திற்கு 3 தேசிய விருகள் கிடைத்திருக்கிறது. கொரோனா காலம் என்பதால் படம் இன்னும் வெளியாகவில்லை. இந்த படத்தில் அசோக் செல்வனும் நடித்திருக்கிறார்.

இதுகுறித்து அசோக் செல்வன் கூறியிருப்பதாவது: மரைக்கார் அரபிக்கடலிண்டே சிம்ஹம் ஒரு அழகான திரைப்படம். இந்திய அளவில் எல்லா வகையிலும் சிறந்ததொரு நடிகரென, புகழ்பெற்ற நடிகர் மோகன்லாலுடன் நடிக்கும் வாய்ப்பு கிடைத்த போது, நான் மிகப்பெரும் மகிழ்ச்சி அடைந்தேன். அந்த நொடியை வார்த்தைகளால் விவரித்துவிட முடியாது.

பிரியதர்ஷன் போன்ற இயக்குநரின் படத்தில் நடிப்பது மிகப்பெரும் பெருமை. சினிமாவின் அத்தனை சாத்தியங்களையும் தினசரி படப்பிடிப்பில் அவரிடம் கற்றுக் கொண்டேன். மிகப்பெரும் பட்ஜெட்டில், மிகப்பெரும் ஆளுமைகள் இணைந்து உருவாக்கியுள்ள இத்திரைப்படம் ப்ளாக்பஸ்டர் வெற்றியடையும் எனும் நம்பிக்கையை, அனைவருக்கும் தந்துள்ளது.

விநியோக களத்திலும் திரையரங்கிலும் இப்படம் கொண்டாடப்படும் என்பதில் எனக்கு அசைக்க முடியாத நம்பிக்கை உள்ளது. அனைத்தையும் கடந்து, மிகபெரும் பெருமை மற்றும் மிகப்பெரும் மகிழ்ச்சி யாதெனில் எங்கள் திரைப்படம் சிறந்த படம், சிறந்த ஸ்பெஷல் எபெக்ட்ஸ், சிறந்த உடை வடிவமைப்பு என மூன்று தேசிய விருதுகளை வென்றிருப்பது தான்.

2020 மிக இனிமையான ஆண்டாக துவங்கியது. எனது திரைப்படம் ஓ மை கடவுளே ஒரு நடிகராக மிகப்பெரும் பாராட்டுக்களை பெற்று தந்தது. மரைக்கார் அரபிக்கடலிண்டே சிம்ஹம் படம் மூலம் மிகப்பெரும் அடையாளம் கிடைக்கும் என்று காத்திருந்தேன். ஆனால் பொதுமுடக்கம் காரணமாக படத்தின் வெளியீடு தள்ளிவைக்கப்பட்டது. தற்போது படத்திற்கு கிடைத்திருக்கும் தேசிய விருதுகள் படத்தின் மீது இந்தியளவில் பெரும் எதிர்பார்ப்பை உருவாக்கியிருக்கிறது.

ஒரு நடிகராக தமிழ் மட்டுமல்லாது, தெலுங்கில் நின்னில நின்னில மற்றும் மலையாளத்தில் மரக்கர் அரபிக்கடலிண்டே சிம்ஹம் என மற்ற மொழி திரைப்படங்களிலும் பணியாற்றுவது, சினிமா குறித்து நிறைய கற்றுக்கொள்ளும் அனுபவத்தை தருகிறது. இவ்வாறு அவர் கூறினார்.

• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...
• 
  மீண்டும் தயாரிப்பில் களமிறங்கும் ஹிருத்திக் ரோஷன்
• 
  இணையதள தேடல் : தீபிகா படுகோன்
• 
  கேரளாவை தொடர்ந்து ஹிந்தியிலும் சென்சார் போர்டு சிக்கலில் ஜானகி டைட்டில்

• 
  ஆக்ஷன் ஹீரோயினாக விரும்பும் அக்ஷரா ரெட்டி
• 
  பிளாஷ்பேக்: 400 படங்களில் நடித்த கோவை செந்தில்
• 
  300 கோடி வசூல் சாதனை புரிந்த 'லோகா'
• 
  பிளாஷ்பேக்: முதல் நட்சத்திர ஒளிப்பதிவாளர்
• 
  நான்கு நாட்களில் 300 கோடி வசூலைக் கடந்த 'காந்தாரா சாப்டர் 1'