Dinamalar

கணக்கில் வராத ரூ.350 கோடி : டாப்ஸி, அனுராக் காஷ்யாப் வீடுகளின் ரெய்டு பரபரப்பு

நடிகை டாப்ஸி, பாலிவுட் இயக்குனர் அனுராக் காஷ்யப் உள்ளிட்டோரின் வீடு, அலுவலகங்கள் உள்பட பல்வேறு இடங்களில் வருமான வரித் துறையினர் கடந்த புதன்கிழமை திடீர் சோதனை நடத்தினர். இந்த சோதனை தொடர்பாக மத்திய நேரடி வரி வாரியம் சார்பில் வெளியிடப்பட்ட அறிக்கையில் கூறியிருப்பதாவது:

பிரபல திரைப்பட தயாரிப்பு நிறுவனத்தில் நடத்தப்பட்ட சோதனையில், ரூ.300 கோடி அளவுக்கு நடைபெற்றுள்ள நிதி பரிவர்த்தனை குறித்து அந்த நிறுவன அதிகாரிகளால் உரிய விளக்கத்தை அளிக்க முடியவில்லை. அந்த நிறுவனத்தில் தொடர்ந்து மேற்கொள்ளப்பட்ட சோதனையில், மேலும் ரூ.350 கோடி வருவாய் கணக்கில் காட்டப்படாததும் கண்டுபிடிக்கப்பட்டது.

பிரபல நடிகையின் வீட்டில் நடத்தப்பட்ட சோதனையில் ரூ.5 கோடி ரொக்கமாகப் பெறப்பட்டதற்கான ஆதாரங்கள் கிடைத்துள்ளன. இதுதொடர்பாக மேலும் விசாரணை நடைபெற்று வருகிறது. அதுமட்டுமின்றி ரூ.20 கோடி அளவுக்கு செலவு செய்ததற்கான போலியான கணக்கு காட்டப்பட்டிருப்பதும் கண்டுபிடிக்கப்பட்டுள்ளது. கணக்கில் வராத பல கோடி ரூபாய் பணப் பரிவர்த்தனைக்கான ஆதாரங்கள் கைப்பற்றப்பட்டுள்ளன. மேலும் இவர்களின 7 வங்கி லாக்கர்கள் முடக்கி வைக்கப்பட்டுள்ளன.

இவ்வாறு அந்த அறிக்கையில் தெரிவிக்கப்பட்டுள்ளது.

இதில் தயாரிப்பு நிறுவனம் என்பது அனுராக் காஷ்யப்பின் தயாரிப்பு நிறுவனம் ஆகும். பிரபல நடிகை என்று குறிப்பிடப்பட்டிருப்பது நடிகை டாப்ஸியை குறிப்பதாகும்.

• 
  இணையதள தேடல் : தீபிகா படுகோன்
• 
  கேரளாவை தொடர்ந்து ஹிந்தியிலும் சென்சார் போர்டு சிக்கலில் ஜானகி டைட்டில்
• 
  காதலில் கரைபவர் வெகு சிலரே : தனுஷின் ‛தேரே இஷ்க் மே' டீசர் வெளியீடு
• 
  அக்டோபர் 9ம் தேதி ஓடிடியில் வெளியாகும் வார்-2!
• 
  பாலிவுட்டில் அறிமுகமாகும் மீனாட்சி சவுத்ரி

• 
  தீபாவளிக்கு 'டியூட்' மட்டும் தானா? : பிரதீப் ரங்கநாதன் தகவல்
• 
  மேக்கப் இல்லாமலும் இவ்வளவு அழகா ராஷ்மிகா
• 
  மந்திரி பதவி கேட்கும் நடிகர் பாலகிருஷ்ணா ?
• 
  போலீஸ் அதிகாரியாக அஞ்சு குரியன்
• 
  உணவு கூட தராமல் கொடுமைப்படுத்தினர் : விஷால் பட ஹீரோயின் மீது பணிப்பெண் ...