தெலுங்கிற்குப் போகும் இயக்குனர் லிங்குசாமி

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

தெலுங்கிற்குப் போகும் இயக்குனர் லிங்குசாமி

15 பிப், 2021 - 01:46 IST

எழுத்தின் அளவு:

சூர்யா, சமந்தா மற்றும் பலர் நடித்த 'அஞ்சான்' படத்தை எடுத்த இயக்குனர் லிங்குசாமி அந்தப் படத்திற்காக மிகவும் கிண்டலடிக்கப்பட்டார். படமும் படுதோல்வியைத் தழுவியது.

அதன்பின் எப்படியோ சமாளித்து நான்கு வருட இடைவெளிக்குப் பிறகு விஷால், கீர்த்தி சுரேஷ் நடித்த 'சண்டக்கோழி 2' படத்தை இயக்கினார். ஆனால், அப்படமும் தோல்வியைத் தழுவியது.

கடந்த இரண்டு வருடங்களாக எந்தப் படத்தையும் இயக்காமல் இருக்கும் லிங்குசாமி அடுத்து தெலுங்கில் ஒரு படத்தை இயக்க உள்ளதாக டோலிவுட் வட்டாரங்கள் தெரிவிக்கின்றன.

தெலுங்கின் இளம் ஹீரோக்களில் ஒருவரான ராம் பொத்தினேனி நாயகனாக நடிக்க உள்ள படத்தைத்தான் லிங்குசாமி இயக்கப் போகிறாராம். கதையைக் கேட்ட ராம் நடிக்க சம்மதித்துவிட்டதாகவும் தகவல்.

தன்னுடைய சொந்தத் தயாரிப்பு நிறுவனம் மூலம் சில படங்களைத் தயாரித்து அதில் நஷ்டமடைந்த காரணத்தால் லிங்குசாமியின் திரையுலக வாழ்க்கையில் பாதிப்பு ஏற்பட்டது. கமல்ஹாசனை வைத்து தயாரித்த 'உத்தம வில்லன்' படம் பெரும் தோல்வியடைந்தது.

விஜய் சேதுபதி, விஷ்ணு விஷால் நடித்து அவர்கள் தயாரித்து முடித்துள்ள 'இடம் பொருள் ஏவல்' படமும் இன்னும் வெளிவராமல் முடங்கிக் கிடக்கிறது.

lingusamy

லிங்குசாமி

கருத்துகள் (0) கருத்தைப் பதிவு செய்ய

விஜய்க்கு திருப்புமுனையைத் தந்த ...

'நானும் சிங்கிள்தான்', சிம்புவின் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய