துக்ளக் தர்பார் சர்ச்சை : சீமானிடம் பார்த்திபன் நேரில் விளக்கம் - Parthiban clear about tughlaq durbar issue

நீங்கள் இங்கே இருக்கிறீர்கள்: முகப்பு » கோலிவுட் செய்திகள் »

'துக்ளக் தர்பார்' சர்ச்சை : சீமானிடம் பார்த்திபன் நேரில் விளக்கம்

13 ஜன, 2021 - 05:49 IST

எழுத்தின் அளவு:

டெல்லிபிரசாத் தீனதயாளன் இயக்கத்தில் விஜய் சேதுபதி, பார்த்திபன், ராஷிகண்ணா மற்றும் பலர் நடிக்கும் படம் 'துக்ளக் தர்பார்'. இப்படத்தின் டீசர் சில தினங்களுக்கு முன்பு வெளியிடப்பட்டது.

அதில் அரசியல்வாதியாக நடிக்கும் பார்த்திபனின் பெயர் ராசிமான் என இடம் பெற்றுள்ளது. மேலும், அந்தப் பெயருடன் உள்ள கட்சி போஸ்டர்களை சிலர் கிழிப்பது போலவும் காட்சிகள் இடம் பெற்றுள்ளன.

ராசிமான் என்ற பெயர் நாம் தமிழர் கட்சித் தலைவைரான சீமானைக் குறிப்பதாக உள்ளதென அக்காட்சியின் சார்பில் கடும் கண்டனம் தெரிவிக்கப்பட்டது.

இதனால் எழுந்த சர்ச்சையை அடுத்து ராசிமான் கதாபாத்திரத்தில் நடிக்கும் பார்த்திபன், சீமானிடம் நேரில் விளக்கமளித்துள்ளதாக டுவிட்டரில் தெரிவித்துள்ளார்.

“நண்பர் சீமான் அவர்களிடம் நேரிடையாக'துக்ளக் தர்பார்'குறித்து விளக்கமளித்து விட்டேன்.அவரும் பெருந்தன்மையாக பதில் அளித்தார் ராசிமான் என்ற பெயர் சீண்ட வேண்டு மென்று வைக்கப்பட்டதல்ல. இருந்திருந்தால் அதற்கு நானே இடந்தந்திருக்க மாட்டேன்.இந்நிமிடம் வரை நான் எக்கட்சியையும் சார்ந்தவனல்ல.

(புதிய பாதை நமது) இருப்பினும் இடையராது உழைத்து தங்களின் லட்சிய இலக்கை அடைய போராடும்'நாம் தமிழர்' தோழர்களின் முயற்சிகளை கிண்டல் செய்ய நான் இடம் தரமாட்டேன்.எனவே உள்நோக்கமின்றி நடந்த பெயர் பிரச்சனையை இயக்குனரிடம் கூறி, ராசிமான் என்ற பெயரை மாற்ற முயற்சி செய்து வருகிறேன்,” எனக் குறிப்பிட்டுள்ளார்.

tughlaqdurbar

Parthiban

Vijaysethupathi

Seeman

கருத்துகள் (0) கருத்தைப் பதிவு செய்ய

'ஈஸ்வரன்' பிரச்சினைகள் தீராமலேயே ...

விஜய்யின் நட்பைப் பாராட்டும் ...

வாசகர்களே...

நீங்கள் பதிவு செய்யும் கமென்டுகள், செய்திக்கு கீழே வராமல், சைடில் தனி பெட்டியாக வருவது போல் மாற்றி உள்ளோம். இதில் வழக்கம் போல் உங்கள் கருத்துகளை படிக்கலாம். பதிவும் செய்யலாம். இது எப்படி இருக்கிறது என்ற உங்கள் கருத்தை எங்களுக்கு தெரிவியுங்கள். உங்கள் பின்னுாட்டம் மேலும் சிறப்பாக்குவதற்கு உதவி செய்யும். நன்றி

பின்னுாட்டத்தை பதிவு செய்ய