Dinamalar

விமர்சித்த ரசிகருக்கு பணிவாக பதிலளித்த மாதவன்

மலையாளத்தில் துல்கர் சல்மான், பார்வதி நடித்து வெளிவந்த 'சார்லி' படம் தமிழில் மாதவன், ஷ்ரத்தா ஸ்ரீநாத் நடிக்க 'மாறா' என்ற பெயரில் ரீமேக் செய்யப்பட்டது. கடந்த வாரம் இப்படம் ஓடிடி தளத்தில் வெளியானது.

மாதவன் நடித்து இதற்கு முன்பு தமிழில் வெளியான 'சைலன்ஸ்' படமும் ஓடிடியில்தான் வெளியானது. அப்படத்திற்கு பெரிய வரவேற்பு கிடைக்கவில்லை. மாறாக 'மாறா' படத்திற்கு இரு விதமான வரவேற்பு கிடைத்து வருகிறது. திரையுலகத்தைச் சேர்ந்த மாதவனின் நண்பர்கள் படத்தைப் பாராட்டித் தள்ளுகின்றனர்.

சராசரி சினிமா பார்க்கும் ரசிகர்கள் படம் எதிர்பார்த்த அளவிற்கு இல்லை, மலையாள ரீமேக்கான 'சார்லி' படம் போலக் கூட இல்லை என்ற கருத்தை சமூக வலைத்தளங்களில் முன்வைக்கின்றனர். அப்படி ஒரு ரசிகர் மாதவனையும் டேக் செய்து, “சார்லி' படத்தைப் பார்த்த ரசிகர்களுக்கு இப்படம் சீரியசாகவே சராசரிக்கும் கீழான ஒரு படம்தான். முதல் 30 நிமிடங்களுக்குப் பிறகு படத்தைப் பார்ப்பது வலியாக உள்ளது. இப்படத்தைக் கெடுத்ததே சீரியசாக மாதவன் தான். வருத்தமான, சோர்வான ஒரு கதாபாத்திரம்,” எனக் குறிப்பிட்டிருந்தார்.

அந்த ரசிகருக்கு, “உங்களை ஏமாற்றமடைய வைத்ததற்கு மன்னிக்க சகோதரா. அடுத்த முறை சிறப்பாகச் செய்ய முயற்சிக்கிறேன்,” என மிகப் பணிவாக பதிலளித்துள்ளார். மாதவனின் இந்த பதிலுக்கு ஆயிரக்கணக்கானோர் 'லைக்' தெரிவித்துள்ளனர்.

• 
  100 கோடி ரூபாய் வீட்டிற்குக் குடிப்போகும் தீபிகா படுகோனே - ரன்வீர் சிங்
• 
  24 லட்சம் வாடகையில் புதிய அபார்ட்மென்ட்டுக்கு குடிபெயர்ந்த ஷாருக்கான்
• 
  ஜெய ஜெய ஜெய ஜெய ஹே ஹிந்தி ரீமேக்கை அமீர்கான் கைவிட்டது ஏன்? : நடிகர் புது ...
• 
  ஹிந்தி படத்தில் கரீனா கபூருக்கு ஜோடியாக இணைந்த பிரித்விராஜ்
• 
  காரில் வெடிகுண்டு வைத்து தகர்ப்போம்! சல்மான்கானுக்கு மீண்டும் கொலை ...

• 
  ரயில் ஜன்னல் கம்பி வழியாக மாளவிகா மோகனனிடம் முத்தம் கேட்ட மர்ம நபர்
• 
  ரெட்ரோ படத்தின் டிரைலரை உருவாக்கிய அல்போன்ஸ் புத்ரன்
• 
  போதை பொருள் வழக்கு : நடிகர் சைன் டாம் சாக்கோ கைது
• 
  ரெட்ரோ டிரைலர் : விதவிதமாய் 'குக்' செய்துள்ள கார்த்திக் சுப்பராஜ்
• 
  அஜித் பிறந்த நாளில் 'வீரம்' மறு வெளியீடு