ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
படம் : தில்
வெளியான ஆண்டு : 2001
நடிகர்கள் : விக்ரம், லைலா, ஆஷிஷ் வித்யார்த்தி, விவேக்
இயக்கம் : தரணி
தயாரிப்பு : லட்சுமி புரொடக் ஷன்ஸ்
காக்க காக்க கனகவேல் காக்க... என, முறுக்கேறிய உடம்புடன் விக்ரம் ரணகளம் செய்த படம், தில். பல ஆண்டு போராட்டத்திற்கு பின், சேது படம் வழியாக தனக்கென ஒரு இடத்தைப் பிடித்திருந்த வேளையில், தில் படம் விக்ரமிற்கு நட்சத்திர நாயகன் அடையாளத்தை கொடுத்தது. இப்படத்தில் இருந்து தான், டைட்டிலில், சியான் என்ற அடைமொழியுடன் அவரின் பெயர் இடம்பெற துவங்கியது.
எதிரும் புதிரும் படத்தை இயக்கியபோது, இயக்குனர் தரணி, விபத்தில் சிக்கினார். அதன்பின் மீண்டெழுந்தார். சக்கர நாற்காலியில் இருந்தபடியே, தில் காட்டினார். போலீஸ் வேலைக்கு காத்திருக்கும் நடுத்தர வர்க்க இளைஞராக விக்ரம். போலீஸ் அதிகாரி ஆஷித் வித்யார்த்தியுடன் மோதல் ஏற்படுவதால், விக்ரமின் கனவுக்கு இடையூறு ஏற்படுகிறது. இதை அவர் எப்படி எதிர்கொண்டார் என்பது தான், படத்தின் திரைக்கதை.
படத்தின் முதல் காட்சி முதல், கிளைமேக்ஸ் வரை, பார்வையாளர்களை விறுவிறுப்பின் உச்சத்திலேயே, தரணியில் திரைக்கதை வைத்திருந்தது. பக்கா கமர்ஷியல் ஜானரில் கலக்கிய திரைப்படம் தில். வில்லனாக வந்த ஆஷித் வித்யார்த்தி, இப்படத்திற்கு பின், பல படங்களில் மிரட்டினார். கதாநாயகி லைலா, குல்பி போல ரசிக்க செய்தார்.
வித்யாசாகரின் பின்னணி இசையும், பாடல்களும் பட்டையை கிளப்பின. கண்ணுக்குள்ள, மச்சான் மீசை, உன் சமையலறையில்... பாடல்கள் ரசிக்க வைத்தன. தமிழக அரசின் திரைப்பட விருதுகளில், ஆறு விருதுகளை, இப்படம் வென்றது. தமிழில் மிகப்பெரிய வெற்றி பெற்ற இப்படம் தெலுங்கு, ஹிந்தி, கன்னடம், பெங்காலி என, நான்கு மொழிகளில், ரீமேக் செய்யப்பட்டது.
அநீதிக்கு எதிராக போராடினால், தில்!