Dinamalar

ஹரிஹரன் ஆன லவ்டுடே சிவா!

லவ்டுடே, பூமகள் ஊர்வலம், அற்புதம், காதல் சுகமானதே உள்ளிட்ட படங்களின் இசையமைப்பாளர் சிவா, தற்போது ராட்டினம் லவ்ஜோடிகள் லகுபரன் - சுவாதி நடிக்க, லவ்டுடே பாலசேகரனின் இயக்கத்தில் உருவாகி வரும் "ஒருவர் மீது இருவர் சாய்ந்து" படத்தின்மூலம் மீண்டும் தமிழ்த்திரையுலகில் அடியெடுத்து வைக்கிறார். இதுநாள்வரை தெலுங்குப்பட உலகிலும், இந்திப்பட உலகிலும் தன் இசை சாம்ராஜ்யத்தை நடத்தி வந்ததோடு, சிவா, இரண்டாண்டு காலம் அமெரிக்காவில் உள்ள வெர்ஜன் ரெக்கார்டிங் கம்பெனியின் ஆல்பம் தயாரிப்புக்காக கீ-போர்டிஷ்ட்டாக பணிபுரிந்து வந்ததாலும் இடையில் கொஞ்சம் காலம் தமிழில் காணாமல் போயிருந்தார்.

சென்னையை ‌சார்ந்த இவர் இனி சொந்த ஊரான சென்னையிலும் தமிழ் சினிமாவிலும் கோலோச்சியே தீருவது எனும் முடிவில் இங்கேயே டேராபோட்டு திரை இசைப்பணிகளில் கவனம் செலுத்தி வருகிறார். ஒருவர் மீது இருவர் சாய்ந்து படத்திற்காக பாடலாசிரியர்கள் சினேகன், விவேகா ஆகியோரின் வரிகளில் ஐந்து பாடல்களை உருவாக்கியிருக்கும் சிவா, அவற்றை இந்த ஆண்டின் ஹிட் பாடல்களாக தரும் முடிவில் வெகு ஜோராக உழைத்து வருகிறார்.

கூடவே இந்த ரீ-ரவுண்டில் சிவா எனும் தன் பெயரை ஹரிஹரன்(தன் மூத்த மகனின் பெயர்) என்று மாற்றி அமைத்துக்கொண்டு, மேற்படி இசையமைப்பாளர் ரெடியாகி வருவதும் குறிப்பிடத்தக்கது. இதுநாள்வரை பெயரில் சிவனை மட்டும் வைத்துக்கொண்டிருந்த இசையமைப்பாளர் இனி, ஹரியையும், சிவனையும் இணைத்து வைத்துக்கொண்டுள்ளதும் நயம்தானே! நல்லதுதானே!!

• 
  காதலருடன் ஹூமா குரேஷிக்கு நிச்சயதார்த்தம் நடந்ததா?
• 
  நீதிமன்றம் கெடுபிடி : வெளிநாட்டு பயணத்தை ரத்து செய்த ஷில்பா ஷெட்டி
• 
  ஒரு டஜன் வாழைப்பழம் மட்டும் சம்பளமாக பெற்றுக்கொண்டு நடித்த கோவிந்தா
• 
  அரிய நோயால் பாதிக்கப்பட்டுள்ள பூமி பட்னேகர்
• 
  தீபிகா படுகோனேவின் குரல் இனி மெட்டா ஏஐ-யில் ஒலிக்கும்

• 
  'என்ன சொல்ல போகிறார்(ய்)' தேஜூ அஸ்வினி
• 
  ரோபோ சங்கர் நினைவாக குபேரர் கோவிலுக்கு ரோபோ யானையை பரிசளித்த நடிகர் ...
• 
  தீபாவளிக்கு 'கருப்பு' படத்தின் பர்ஸ்ட் சிங்கிள் வெளியாகிறது!
• 
  ஹாட்ரிக் அடிக்கிறாரா பிரதீப் ரங்கநாதன்
• 
  ராஜமவுலி தயாரிப்பில் பஹத் பாசில் புதிய பட படப்பிடிப்பு துவங்கியது!