Dinamalar

ஐஸ்வர்யா ராஜேஷின் நெகிழ்ச்சியான பேச்சு

காக்கா முட்டை படத்தில் நடித்து பிரபலமானவர் ஐஸ்வர்யா ராஜேஷ். இவர் தற்போது சிவகார்த்திகேயன் தயாரித்துள்ள கனா படத்தில் கதையின் நாயகியாக நடித்துள்ளார். அருண்ராஜா காமராஜ் இயக்கியுள்ள இந்த படம் வருகிற 21-ந்தேதி திரைக்கு வருகிறது.

இந்த படத்தில் தான் நடித்திருப்பது பற்றி ஐஸ்வர்யா ராஜேஷ் கூறுகையில், ஒரு சாதாரண விவசாயி மகளாக நான் நடித்திருக்கிறேன். எனக்கு கிரிக்கெட் விளையாட்டு மீது ஆர்வம் ஏற்பட்டு, பின்னர் பல எதிப்புகளை மீறி எப்படி இந்திய அளவிலான கிரிக்கெட் அணியில் இணைகிறேன் என்பதுதான் இந்த படத்தின் கதை.

இதில் சத்யராஜ் எனது அப்பாவாக நடித்துள்ளார். முருகேசன் என்ற விவசாயி வேடத்தில் அந்த கதாபாத்திரமாகவே வாழ்ந்திருக்கிறார். நானும் அவரது நிஜ மகளாகவே வாழ்ந்திருக்கிறேன். காரணம், எனது அப்பா நான் 10 வயதாக இருந்தபோதே இறந்து விட்டார். அதனால் சத்யராஜ் என்னை ஒரு நிஜ மகளாகவே நினைத்து நடித்த நடிப்பு என்னை நெகிழ வைத்தது. அந்த வகையில், இந்த படத்தில் நடித்த பிறகும் அவரை எனது அப்பா ஸ்தானத்தில் வைத்தே பார்த்து வருகிறேன் என்கிறார் ஐஸ்வர்யா ராஜேஷ்.

• இவரை பற்றி
• செய்திகள்
• ஆல்பம்