ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
இந்தியத் திரையுலகம் வியந்து பார்க்கும் ஒரு நடிகராக இருப்பவர் ரஜினிகாந்த். இன்று அவருடைய 69வது பிறந்த நாளை கொண்டாடுகிறார். 40 வருடங்களாக சினிமாவில் தொடர்ந்து கதாநாயகனாக ஜொலித்துக் கொண்டு இந்த வயதிலும் இந்தியத் திரையுலக வசூல் மன்னனாக தொடர்கிறார்.
1975ல் வெளிவந்த 'அபூர்வ ராகங்கள்' படத்தில் ஒரு சிறு கதாபாத்திரத்தில் அறிமுகமானார். தொடர்ந்து சில தமிழ், தெலுங்கு, கன்னடப் படங்களில் சிறு சிறு கதாபாத்திரங்களிலும், வில்லனாகவும் நடித்தார். பின்னர் இரண்டாவது கதாநாயகனாக உயர்ந்தார். அவரும், கமல்ஹாசனும் இணைந்து நடித்து தங்களது நாயகன் அவதாரத்தை ஒருசேர அடியெடுத்து வைத்தனர்.
1978ல் வெளிவந்த 'இளமை ஊஞ்சலாடுகிறது' படம் வரை ரஜினிகாந்தின் பெயர் டைட்டிலில் பெரும்பாலும், படத்தின் நாயகன், நாயகி ஆகியோருக்குப் பிறகே இடம் பெற்று வந்தது.
1978ல் வெளிவந்த 'சதுரங்கம்' படத்தில் தான் ரஜினிகாந்தின் பெயர் டைட்டிலில் முதலில் வந்தது. அந்த ஆண்டிலேயே வெளிவந்த 'முள்ளும் மலரும்' படம் ரஜினிகாந்தை பெண்களுக்கும் பிடிக்கும் ஒரு நாயகனாக உயர்த்தியது. அந்த ஆண்டில் மட்டும் ரஜினிகாந்த் நடித்த 16 படங்கள் வெளிவந்தன. அந்த 1978ம் ஆண்டுதான் ரஜினிகாந்திற்கு திருப்புமுனையாக அமைந்த ஆண்டு. அவரை தனி கதாநாயகனாக மாற்றி, அதே ஆண்டில் வெற்றிகரமான கதாநாயகனாகவும் மாற்றியது.
அன்று ஆரம்பித்த அந்த கதாநாயகன் ஓட்டம் இன்று வரை 2.0 படம் வரை தொடர்ந்து கொண்டிருக்கிறது, அடுத்து 'பேட்ட' படம் மூலம் அடுத்த ஆண்டும் தொடரப் போகிறது. இடையில் ஏதோ ஒரு சில இறக்கங்கள் வந்தாலும் அது ரஜினிகாந்தின் திரையுலக வாழ்க்கையை பெரிதாக பாதித்ததில்லை.
கருப்பு வெள்ளை, வண்ணப்படம், 70 எம்எம் படம், அனிமேஷன் படம், 3டி படம் என தொழில்நுட்ப மாற்றங்கள் ஏற்பட்ட போதெல்லாம் அதில் ரஜினிகாந்தின் பங்கும் இருந்திருக்கிறது.
தமிழில் மட்டுமல்லாது, தெலுங்கு, கன்னடம், மலையாளம், ஹிந்தி, பெங்காலி, ஆங்கிலம் ஆகிய மொழிகளிலும் ரஜினிகாந்த் நடித்திருக்கிறார். அவரைப் போன்று 40 ஆண்டு காலமும் இந்தியத் திரையுலகில் வசூலின் உச்ச நட்சத்திரமாக விளங்கி வருகிறார்.
இந்த வயதிலும் இவ்வளவு சுறுசுறுப்புடன், ஈடுபாட்டுடன், உத்வேகத்துடன் நடிக்கும் ஒரு நடிகரைப் பார்க்க முடியாது என அவருடன் பணியாற்றியவர்கள் எப்போதும் சொல்லும் வார்த்தைகளாக இருக்கும்.
இன்றும் எத்தனையோ புதுப்புது நடிகர்கள் வந்து கொண்டிருந்தாலும் இன்றைய குழந்தைகளுக்கும் பிடித்த ஒரு நடிகராக ரஜினிகாந்த் இருப்பதற்கு அவர் என்ன மாயம் செய்கிறார் என்று பல ஹீரோக்கள் வியந்து கொண்டுதான் இருக்கிறார்கள்.
தமிழ் சினிமாவில் இதுவரை எத்தனையோ ஹீரோக்கள் சாதனை செய்திருக்கிறார்கள். அவர்களில் ரஜினிகாந்த் செய்துள்ள சாதனை வேறு யாரும் செய்யாத தனிப்பட்ட ஒரு சாதனை என்பதை மறுக்கவும், மறக்கவும் முடியாது.