ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
ஆங்கிலேயர்களை எதிர்த்து போரிட்ட வீரப் பெண்மணி ஜான்சி ராணியின் வாழ்க்கை வரலாற்றை மையமாக வைத்து உருவாகி இருக்கிறது மணிகர்ணிகா - தி குயின் ஆப் ஜான்சி என்ற ஹிந்திப் படம். ஜான்சி ராணியாக தேசிய விருது பெற்ற கங்கனா ரணாவத் நடித்துள்ளார். அவருடன் அதுல் குல்கர்னி, சுரேஷ் ஓபராய், ரிச்சர்ட் கீப் உள்ளட பலர் நடித்துள்ளனர். எஸ்.எஸ்.ராஜமவுலியின் தந்தை விஜயேந்திர பிரசாத் கதையை எழுதியுள்ளார். பிரபல தெலுங்கு இயக்குனர் கிரிஷ் இயக்கி உள்ளார்.
படம் வருகிற ஜனவரி மாதம் 25ந் தேதி வெளிவருவதாக அறிவிக்கப்பட்டுள்ளது. இந்தநிலையில் படம் சம்பள பாக்கி பிரச்சினையில் சிக்கி உள்ளது. மணிகர்னிகா படத்தில் பணியாற்றிய துணை நடிகர், நடிகைகள், தொழில்நுட்ப கலைஞர்களுக்கு சுமார் 2 கோடி சம்பளபாக்கி இருப்பதாகவும், அதை செட்டில் செய்த பிறகே படத்தை வெளியிட வேண்டும் என்றும் பாலிவுட் திரைப்பட தொழிலாளர் சங்கம் அறிவித்துள்ளது.
இதுகுறித்து இந்திய சினிமா மற்றும் டிவி தயாரிப்பாளர்கள் சங்கத்திலும் புகார் கொடுக்கப்பட்டுள்ளது. 125 கோடி ரூபாய் பட்ஜெட்டில் உருவான இந்தப்படம் கடைசி நேரத்தில் நிதி நெருக்கடியில் சிக்கி இருப்பதாக கூறப்படுகிறது.