ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
லைகா புரொடக்ஷன்ஸ் தயாரிப்பில், ஷங்கர் இயக்கத்தில், ஏஆர் ரகுமான் இசையமைப்பில், ரஜினிகாந்த், அக்ஷய் குமார், எமி ஜாக்சன் மற்றும் பலர் நடிக்கும் 2.0 படத்தின் டிரைலர் சற்று முன் யு டியூபில் வெளியிடப்பட்டது.
2.0 டிரைலர் சரியாக 2.01 நிமிடம் உள்ளது. டிரைலர் முழுவதுமே அசத்தலான கிராபிக்ஸ் காட்சிகள், விஎப்எக்ஸ் காட்சிகள் என பிரமிக்க வைக்கும் அளவிற்கு, பிரம்மாண்டமாக அமைந்துள்ளது.
இது தமிழ்ப் படமல்ல, இந்தியப் படம், ஏன் ஹாலிவுட் படம் என டிரைலர் வெளியீட்டு விழாவில் ரஜினிகாந்த் பேசியது போலவே நிச்சயமாக ஹாலிவுட் தரத்திற்கு படம் இருக்கும் என்ற எதிர்பார்ப்பை டிரைலர் ஏற்படுத்துகிறது.
டீசரின் நீட்சியாக இந்த டிரைலர் இருக்கிறது என்றுதான் சொல்ல வேண்டும். டீசரில் இடம் பெற்ற செல்போன்கள் திடீர் மாயம், மக்கள் பீதி என்ற வசனத்துடன் டிரைலரும் ஆரம்பமாகிறது. அந்த வசனம் வரும் 25 வினாடிகள் வரை டிரைலர் வேகமெடுக்காமல் மிகவும் மெதுவாக நகர்வது போன்ற உணர்வே ஏற்படுகிறது. அந்தக் காட்சிகளை இன்னும் பரபரப்பாக எடிட் செய்திருக்கலாம்.
அதன் பின் பறவை போன்ற தோற்றத்தில் இருக்கும் அக்ஷய் குமார் தமிழில் வசனம் பேசி மிரள வைக்கிறார். அடுத்து எந்திரன் சிட்டியை ரீலோட் செய்யும் காட்சியும், தான் வெர்ஷன் 2.0 ரிலோட்ட் என சிட்டி ரஜினிகாந்த் பேசும் வசனமும் வருகிறது. அதன் பின் டிரைலர் முடியும் வரை கிராபிக்ஸ் காட்சிகள் மட்டுமே டிரைலரில் இடம் பெறுகிறது.
டிரைலர் முடிந்த பின் கடைசி காட்சியாக ரஜினிகாந்த் கதாபாத்திரத் தோற்றம், அக்ஷய்குமாரின் கதாபாத்திரத் தோற்றமாக மாறுவதுதான் டிரைலரின் ஹைலைட். அது சிட்டி ரஜினிகாந்த்தா அல்லது, வசீகரன் ரஜினிகாந்தா என்பது கேள்வி.
டீசர், டிரைலர் இரண்டிலுமே சிட்டியை மட்டுமே காட்டுகிறார்கள். சிட்டியை உருவாக்கிய வசீகரன், ஓரிரு காட்சிகளில் மட்டுமே வருகிறார்.
தமிழ், தெலுங்கு, ஹிந்தியில் ரிலீஸ் ஆகியுள்ள இந்த டிரைலர் புதிய சாதனையைப் படைக்குமா என்பதை பொறுத்திருந்து பார்க்க வேண்டும்.