Dinamalar

விஜயலெட்சுமிக்கு வெங்கட்பிரபு சிபாரிசு

வெங்கட் பிரபு இயக்கத்தில் 'சென்னை-600028' படத்தில் கதாநாயகியாக அறிமுகமனவர் விஜயலெட்சுமி. இயக்குநர் அகத்தியனின் மகளான இவர், 'சரோஜா', 'பிரியாணி', 'சென்னை -600028' இரண்டாம் பாகம் உட்பட பல படங்களில் நடித்தார். அவர் நடித்த இந்தப்படங்கள் அனைத்தும் வெங்கட்பிரபு இயக்கிய படங்கள்.

அவரது கம்பெனி ஆர்ட்டிஸ்ட்டாக இருந்த விஜயலட்சுமி. சமீபத்தில் விஜய் டிவியில் ஒளிபரப்பான 'பிக் பாஸ்' நிகழ்ச்சியிலும் கலந்து கொண்டார். அந்த நிகழச்சியும் அவருக்கு பெரிதாக பலன் கொடுக்கவில்லை. இந்நிலையில் விஜயலட்சுமிக்கு மீண்டும் வெங்கட்பிரபுவே கைகொடுத்திருக்கிறார்.

தன்னுடைய 'பிளாக் டிக்கெட் கம்பெனி' தயாரிப்பில் சிம்பு தேவன் இயக்கத்தில் ஒரு படத்தை தயாரிக்கிறார் இயக்குனர் வெங்கட் பிரபு. இந்த படத்தில் கதாநாயகியாக யாரை நடிக்க வைப்பது என்று பரிசீலிக்கப்பட்டபோது சிம்புதேவன் முன்னணி நடிகைகள் சிலரை சொல்லி இருக்கிறார்.

வெங்கட்பிரபுவோ தன்னுடைய ஆஸ்தான் விஜயலட்சுமியை சிம்புதேவன் படத்திற்கும் கதாநாயகியாக்கிவிட்டார். விஜய் நடிப்பில் 'புலி' படத்தை இயக்கிய சிம்பு தேவன் அடுத்து வடிவேலுவை வைத்து இம்சைஅரசன் 24 ஆவது புலிகேசி என்ற படத்தை இயக்குவதாக இருந்தது. வடிவேலு பிரச்சனை செய்ததால் அந்தப்படம் கிடப்பில் உள்ளது.

இந்நிலையில்தான் இந்த படத்தை இயக்குகிறார். வெங்கட் பிரபுவின் 'பிளாக் டிக்கெட் கம்பெனி' தயாரிப்பில் உருவான மற்றொரு படமான ஆர்.கே.நகர் இறுதிகட்ட வேலைகள் முடிவடைந்து வெளியாகாமலே கிடக்கிறது.

• 
  அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு
• 
  14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன்
• 
  சிவாஜியின் மகன் சாம்பாஜி வாழ்க்கை சினிமா ஆகிறது
• 
  அக்ஷய் குமாருக்கு ஜோடியாக நடித்தால் விமர்சிப்பதா? - மனுசி சில்லார் ஆவேசம்
• 
  சல்மான் கானுக்கு ஜோடியாக கியாரா அத்வானி?

• 
  ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா!
• 
  விஜய்யின் கடைசி படத்தில் இணையும் சமந்தா- கீர்த்தி சுரேஷ்!
• 
  ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை ...
• 
  சலார் 2ம் பாகத்தில் கியாரா அத்வானி?
• 
  ரீ ரிலீஸ் : அஜித் பிறந்தநாளில் மங்காத்தாவா... பில்லாவா...