Dinamalar

சுகாதார துறையின் எச்சரிக்கைக்கு பணிந்தது சர்கார்

விஜய் - ஏ.ஆர்.முருகதாஸ் கூட்டணி, மூன்றாவது முறையாக இணைந்துள்ள படம் சர்கார். விஜய் ஜோடியாக கீர்த்தி சுரேஷ் நடிக்கிறார். இப்படத்தின் பர்ஸ்ட் லுக் போஸ்டர், சமீபத்தில் விஜய் பிறந்தநாளில் வெளியிடப்பட்டது.

விஜய் புகைப்பிடித்தபடி போஸ்டர் இருந்ததால் விமர்சனங்கள் எழுந்தன. புகைபிடிக்கும் காட்சியில் நடிக்க மாட்டேன் என கூறிய விஜய், இப்போது அதை மீறி துரோகம் செய்துவிட்டார் என பா.ம.க.,வின் அன்புமணி கூறினார். தொடர்ந்து அக்கட்சியின் ராமதாஸ் உள்ளிட்ட பலர் எதிர்ப்பு தெரிவித்து வருகின்றனர்.

இந்நிலையில் சர்கார் பட போஸ்டரில் விஜய் புகைப்பிடிக்கும் காட்சிகளை உடனடியாக நீக்க வேண்டும் என்று பொது சுகாதாரத்துறை, நடிகர் விஜய் மற்றும் இயக்குநர் முருகதாஸ்க்கு நோட்டீஸ் அனுப்பியிருக்கிறது. நீக்காவிட்டால் அவர்கள் மீது சட்டப்பூர்வ நடிவடிக்கை எடுக்கப்படும் என எச்சரித்துள்ளது.

மேலும் புகைப்பழக்கத்தை ஒழிக்க அரசு மேற்கொள்ளும் முயற்சிகளுக்கு சினிமா துறையினர் ஒத்துழைப்பு அளிக்க வேண்டும் என கேட்டு கொண்டுள்ளது.

சுகாதாரத்துறையின் நோட்டீஸிற்கு சர்கார் படக்குழு பணிந்துள்ளது. இப்படத்தை தயாரிக்கும் சன் பிக்சர்ஸ் நிறுவனத்தின் அதிகாரப்பூர்வ டுவிட்டர் பக்கத்தில் விஜய் புகைப்பிடித்த சர்கார் பர்ஸ்ட் லுக் போஸ்டர் நீக்கப்பட்டுள்ளது.

• 
  4 வருடங்களுக்கு பிறகு வெளியானது 'பேமிலி மேன் 3'
• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது

• 
  ஹரிஷ் கல்யாண் நடிக்கும் 'தாஷமக்கான்'
• 
  மணிரத்னம் படத்தில் நடிக்க மறுத்தாரா சாய் பல்லவி?
• 
  நெட்பிளிக்ஸ் முடிவு : அதிர்ச்சியில் தென்னிந்திய திரையுலகம்
• 
  விமலின் மகாசேனா படம் டிசம்பர் 12ல் திரைக்கு வருகிறது
• 
  பராசக்தி பட டப்பிங்கில் அதர்வா