ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் | மஞ்சும்மேல் பாய்ஸ் அளவுக்கு பில்டப் கொடுத்து சூடு போட்டுக்கொண்ட தயாரிப்பாளர் | 14 வருடங்களுக்குப் பிறகு அக்ஷய் குமாரை இயக்கும் பிரியதர்ஷன் |
இயக்குனர் எஸ்.ஏ.சந்திரசேகர் நடித்துள்ள படம் டிராபிக் ராமசாமி. இது தனிமனிதனாக போராடி வரும் டிராபிக் ராமசாமியின் வாழ்க்கை வரலாறாகும். இதில் டிராபிக் ராமசாமியாக எஸ்.ஏ.சந்திரசேகர் நடித்துள்ளார். அவரது மனைவியாக ரோகினி நடித்துள்ளார்.
பிரகாஷ்ராஜ், சீமான், குஷ்பூ, ஆர்.கே.சுரேஷ், அம்பிகா, உபாசனா, கஸ்தூரி, மனோபாலா, மதன் பாப், லிவிங்ஸ்டன், இமான் அண்ணாச்சி, மோகன்ராம், சேத்தன், தரணி, அம்மு ராமச்சந்திரன், பசி சத்யா என்று பலரும் நடித்துள்ளனர். இந்தப் படத்தில் விஜய் ஆண்டனியும், விஜய் சேதுபதியும் சிறப்பு வேடத்தில் நடித்துள்ளார். குகன் எஸ்.பழனி, ஒளிப்பதிவு செய்திருக்கிறார். பாலமுரளி பாலு இசை அமைத்துள்ளார். கிரீன் சிக்னல் நிறுவனம் தயாரித்துள்ளது.
தமிழில் பல மனிதர்களின் வரலாற்று படங்கள் வெளிவந்திருக்கிறது. ஆனாலும் ஒருவர் வாழும்போதே அவரைப் பற்றி வெளிந்திருக்கும் முதல் படம் இது தான் என்கிறார்கள். இந்தப்படம் சமீபத்தில் விநியோகஸ்தர்களுக்கு சிறப்பு காட்சியாக திரையிடப்பட்டது. படம் முடிந்ததும் அனைவரும் எழுந்து நின்று கைதட்டி பாராட்டியிருக்கிறார்கள். இதுகுறித்து படத்தின் இயக்குனர் விக்கி கூறியதாவது:
வினியோகஸ்தர்கள் ஒரு படத்தை ப்ரிவியூ அரங்கில் பார்த்துவிட்டு கைதட்டி வரவேற்பது இது முதல் முறை என்று எண்ணுகிறேன். இப்பாராட்டு சுயநலமில்லாத ஒரு உண்மையான போராளியான டிராபிக் ராமசாமியின் துணிச்சலான வாழ்விற்கு கிடைத்ததாகவே நாங்கள் கருதுகிறோம். தயாரிப்பாளர் சங்கம் இப்பட வெளியீட்டு தேதியாக ஜூன் 22 கொடுத்துள்ளதால் கூடுதல் பூரிப்பில் உள்ளோம். விஜய் அண்ணனுடைய தந்தையை வைத்து நான் இயக்கியுள்ள படம் அவரின் பிறந்த நாளில் வெளியாவதற்கு இறைவனுக்கு நன்றி தெரிவித்து கொள்கிறேன். இதை விட ஒரு ரசிகனுக்கு என்ன வேண்டும் என்றார்.