சவால் தான்... ஆனாலும் மகிழ்ச்சியே... - தமன்னா | 'கல்கி 2898 ஏடி' ரிலீஸ் ஜூன் 27-க்கு தள்ளிப்போனது | விஜய் பிறந்தநாளில் வெளியாகும் கோட் இரண்டாவது பாடல் | அல்லு அர்ஜூன் சம்பளம் ரூ.150 கோடியா... | நெல்சன் - விஜய்யின் கனவு படத்தில் யாரெல்லாம் நடிக்கிறார்கள் தெரியுமா ? | சிவசக்தியாக உருமாறிய தமன்னா | மம்முட்டிக்கு மாற்றாக நடிக்க பாலிவுட்டில் யாரும் இல்லை : வித்யாபாலன் பாராட்டு | சர்ச்சை நடிகருக்கு முன்பாக வேறு நடிகர் : புஷ்பா இயக்குனர் புது தகவல் | கேங்ஸ்டர் ரங்காவுக்கு ஏன் பிளாஷ்பேக் இல்லை ? ; ஆவேசம் இயக்குனர் | கவனம் பெறும் ‛ஸ்டார்' டிரைலர் : வெவ்வேறு லுக்கில் அசத்தும் கவின் |
காலா படத்தில் நடிப்பதற்கு முன்பாக ரசிகர்களை சந்தித்து போட்டோ எடுத்துக் கொண்ட ரஜினி, அப்போதே தான், அரசியலுக்கு வரப்போவதாக ஓரளவு அறிவித்தார். அதோடு, என்னை வாழ வைத்த தமிழ்நாட்டு மக்களுக்கு நல்லது செய்ய ஆசைப்படுகிறேன். அதனால் சமூக நோக்க முள்ளவர்கள் மட்டும் என்னிடம் இருக்கலாம். இவரிடம் வந்தால் நிறைய சம்பாதிக்கலாம் என்று கணக்குப் போடுபவர்கள் இப்போதே இங்கிருந்து போய்விடலாம் என்றும், போர் வரும் பார்த்து கொள்வோம், அதற்கு தயாராகுங்கள் என்று ரஜினி பேசினார்.
அதன்பிறகு டுவிட்டரில் கருத்துக்கள் வெளியிட்டு சர்ச்சைகளை சந்தித்த கமலை, முதுகெலும்பு இல்லாதவர், அரசியலுக்கு வந்து இப்படியெல்லாம் பேசட்டும் என்று சில அரசியல் கட்சியினர் சொல்ல, இப்போது கமலும் அரசியல் கட்சி தொடங்க தயாராகிக்கொண்டிருக்கிறார். இதனால் சினிமாவில் போட்டியாளர்களாக திகழ்ந்த ரஜினி, கமல் ஆகிய இருவரும் அடுத்தபடியாக அரசியலிலும் போட்டியாளர்களாக மாறும் சூழல் உருவாகியிருக்கிறது.
இந்த நிலையில், தனது பிறந்த நாளான டிசம்பர் 12-ந்தேதி தனது புதிய கட்சி சம்பந்தமான அறிவிப்பை ரஜினி வெளியிடுவார் என்று ஒரு தகவல் தெரிவிக்கிறது. இந்த நேரத்தில், தனிக்கட்சி தொடங்கலாமா? இல்லை வேறு கட்சியில் இணைந்து முதலமைச்சர் வேட்பாளராக போட்டியிடலாமா? என்பது குறித்து ஆலோசித்து வரும் ரஜினி, தமிழக மக்களின் மனநிலையை அறியும் சர்வே ஒன்றை தனது ரசிகர்கள் மூலம் எடுத்து வருகிறாராம். அதுபற்றிய முழுவிவரங்களையும் தெரிந்த பின்னரே தனிக்கட்சியா? இல்லை கூட்டணியா? என்பது குறித்து முடிவெடுக்கிறாராம் ரஜினி.