சவால் தான்... ஆனாலும் மகிழ்ச்சியே... - தமன்னா | 'கல்கி 2898 ஏடி' ரிலீஸ் ஜூன் 27-க்கு தள்ளிப்போனது | விஜய் பிறந்தநாளில் வெளியாகும் கோட் இரண்டாவது பாடல் | அல்லு அர்ஜூன் சம்பளம் ரூ.150 கோடியா... | நெல்சன் - விஜய்யின் கனவு படத்தில் யாரெல்லாம் நடிக்கிறார்கள் தெரியுமா ? | சிவசக்தியாக உருமாறிய தமன்னா | மம்முட்டிக்கு மாற்றாக நடிக்க பாலிவுட்டில் யாரும் இல்லை : வித்யாபாலன் பாராட்டு | சர்ச்சை நடிகருக்கு முன்பாக வேறு நடிகர் : புஷ்பா இயக்குனர் புது தகவல் | கேங்ஸ்டர் ரங்காவுக்கு ஏன் பிளாஷ்பேக் இல்லை ? ; ஆவேசம் இயக்குனர் | கவனம் பெறும் ‛ஸ்டார்' டிரைலர் : வெவ்வேறு லுக்கில் அசத்தும் கவின் |
தெலுங்கு சினிமாவின் முன்னணி நடிகரான மகேஷ்பாபுவின் பல படங்கள் தமிழில் மொழிமாற்றம் செய்யப்பட்டு வெளியிடப்பட்டுள்ளது. அவர் நடிக்கும் முதல் நேரடி தமிழ் படம் ஸ்பைடர். தெலுங்கு, தமிழில் தயாராகும் இந்தப் படத்தை ஏ.ஆர்.முருகதாஸ் இயக்குகிறார். மகேஷ் பாபுவுடன் ரகுல் ப்ரீத்தி சிங், பிரியதர்ஷினி, உள்பட பலர் நடிக்கிறார்கள். பரத் மற்றும் எஸ்.ஜே.சூர்யா வில்லனாக நடிக்கிறார்கள். ஆர்ஜே பாலாஜி காமெடியன். ஹாரிஸ் ஜெயராஜ் இசை அமைக்கிறார். சந்தோஷ் சிவன் ஒளிப்பதிவு செய்துள்ளார்.
இது சூப்பர் நேச்சர் சயின்ஸ் பிக்சன் படம். இதனை சுமார் 150 கோடி ரூபாய் செலவில் ரிலையன்ஸ் நிறுவனம் தயாரித்துள்ளது. இதன் தமிழ்நாட்டு உரிமத்தை லைகா நிறுவனம் பெற்றுள்ளது. ஸ்பைடர் படத்துக்கு இன்னும் ஒரு டப்பிங் பட இமேஜ் இருப்பதால் அதை மாற்ற லைகா நிறுவனம் முடிவு செய்துள்ளது. இதற்காக அதன் பாடல் வெளியீட்டு விழாவை பிரமாண்டமாக நடத்துகிறது. பாடல் வெளியீடாக மட்டும் இல்லாமல் மகேஷ் பாபுவை தமிழ் சினிமாவுக்கு அறிமுகப்படுத்தும் நிகழ்ச்சியாகவும் இதனை நடத்துகிறது.
வருகிற செப்டம்பர் 9ம் தேதி கலைவாணர் அரங்கில் நடக்கும் இந்த விழாவில் ரஜினி, கமல் உள்ளிட்ட முன்னணி திரை நட்சத்திரங்கள் கலந்து கொள்கிறார்கள். 2.ஓ படத்தை தயாரிப்பதும், மருதநாயகம் படத்தை தயாரிக்க இருப்பதும் லைகா நிறுவனம் தான் என்பதால் ரஜினி, கமல் கலந்து கொள்வது உறுதியானது. விழாவில் பிரமாண்ட கலை நிகழ்ச்சிகளும் நடக்கிறது. படத்தின் உரிமத்தை வாங்கியுள்ள ஜீ தமிழ் தொலைக்காட்சி நிகழ்ச்சியை நேரடியாக ஒளிபரப்புகிறது என்ற தகவலும் வெளியாகியுள்ளது.