சவால் தான்... ஆனாலும் மகிழ்ச்சியே... - தமன்னா | 'கல்கி 2898 ஏடி' ரிலீஸ் ஜூன் 27-க்கு தள்ளிப்போனது | விஜய் பிறந்தநாளில் வெளியாகும் கோட் இரண்டாவது பாடல் | அல்லு அர்ஜூன் சம்பளம் ரூ.150 கோடியா... | நெல்சன் - விஜய்யின் கனவு படத்தில் யாரெல்லாம் நடிக்கிறார்கள் தெரியுமா ? | சிவசக்தியாக உருமாறிய தமன்னா | மம்முட்டிக்கு மாற்றாக நடிக்க பாலிவுட்டில் யாரும் இல்லை : வித்யாபாலன் பாராட்டு | சர்ச்சை நடிகருக்கு முன்பாக வேறு நடிகர் : புஷ்பா இயக்குனர் புது தகவல் | கேங்ஸ்டர் ரங்காவுக்கு ஏன் பிளாஷ்பேக் இல்லை ? ; ஆவேசம் இயக்குனர் | கவனம் பெறும் ‛ஸ்டார்' டிரைலர் : வெவ்வேறு லுக்கில் அசத்தும் கவின் |
'ஓரம் போ', 'வ' ஆகிய இரண்டு படங்களை இயக்கியவர்கள் தான் புஷ்கர் - காயத்ரி. தம்பதியான இவர்கள் முதல் இரண்டு படங்களிலும் பரிதாபகரமான தோல்வியை சந்தித்தனர். ஆனாலும் தங்களுடைய நட்சத்திர தொடர்புகள் மூலம் தொடர்ந்து பல்வேறு முன்னணி நட்சத்திரங்களிடம் கதை சொல்ல முயற்சி செய்தனர். அதில் கிடைத்த வெற்றிதான்... 'விக்ரம் வேதா' பட வாய்ப்பு.
சமீபத்தில் வெளிவந்து வெற்றிகரமாக ஓடிக்கொண்டிருக்கும் 'விக்ரம் வேதா' படம் மூலம் அனைத்துத் தரப்பு ரசிகர்களிடத்திலும் அறிமுகமாகியுள்ளார்கள் புஷ்கர் காயத்ரி. முதல் இரண்டு படங்கள் வசூல் ரீதியாக வெற்றிபெறாத நிலையில், தங்களின் மூன்றாவது படத்திற்கு கடுமையாக உழைத்ததால் வெற்றியைச் சாத்தியப்படுத்தியிருக்கிறார்கள்.
விஜய்சேதுபதி, மாதவன் இணைந்துநடித்திருக்கும் இப்படத்தை சமீபத்தில் பார்த்த ரஜினிகாந்தும் வெகுவாகப் பாராட்டியுள்ளாராம். இதுகுறித்து டுவிட்டரில் புஷ்கர் காயத்ரி, ''கிளாஸ் காட்சிகளுடன் ஒரு மாஸ் படத்தை உருவாக்கியுள்ளீர்கள்!'' என ரஜினி தெரிவித்துள்ளதாக குறிப்பிட்டுள்ளார்கள்.
இதற்கிடையில் முதல் மூன்று நாட்கள் ஹவுஸ்புல்லாக இருந்த தியேட்டர்களில் ஒருவாரம் கடந்த பின்னர் தற்போது சற்று கூட்டம் குறைந்தாலும், முதல் மூன்று நாட்களிலேயே அசலை வசூலித்துக் கொடுத்துவிட்டதாம் விக்ரம் வேதா.