சவால் தான்... ஆனாலும் மகிழ்ச்சியே... - தமன்னா | 'கல்கி 2898 ஏடி' ரிலீஸ் ஜூன் 27-க்கு தள்ளிப்போனது | விஜய் பிறந்தநாளில் வெளியாகும் கோட் இரண்டாவது பாடல் | அல்லு அர்ஜூன் சம்பளம் ரூ.150 கோடியா... | நெல்சன் - விஜய்யின் கனவு படத்தில் யாரெல்லாம் நடிக்கிறார்கள் தெரியுமா ? | சிவசக்தியாக உருமாறிய தமன்னா | மம்முட்டிக்கு மாற்றாக நடிக்க பாலிவுட்டில் யாரும் இல்லை : வித்யாபாலன் பாராட்டு | சர்ச்சை நடிகருக்கு முன்பாக வேறு நடிகர் : புஷ்பா இயக்குனர் புது தகவல் | கேங்ஸ்டர் ரங்காவுக்கு ஏன் பிளாஷ்பேக் இல்லை ? ; ஆவேசம் இயக்குனர் | கவனம் பெறும் ‛ஸ்டார்' டிரைலர் : வெவ்வேறு லுக்கில் அசத்தும் கவின் |
தனுஷ் நடித்த ஆடுகளம் படத்தில் தமிழுக்கு வந்தவர் டாப்சி பன்னு. அதன்பிறகு வந்தான் வென்றான், ஆரம்பம், காஞ்சனா-2, வை ராஜா வை என பல படங்களில் நடித்த அவரை தற்போது தமிழ்ப்படங்களில் பார்க்க முடியவில்லை. இந்தநிலையில், டாப்சி பன்னுவைத் தொடர்ந்து தற்போது அர்த்தனா பின்னு என்ற பெயரில் கேரளாவில் இருந்து ஒரு நடிகை தமிழுக்கு என்ட்ரி கொடுத் துள்ளார். இவர் தமிழில் ஒப்பந்தமான முதல் படம் ஜி.வி.பிரகாஷின் செம. ஆனால் அதன்பிறகு அர்த்தனா பின்னு கமிட்டான தொண்டன் படம் முதலில் திரைக்கு வந்து விட்டது. அந்த படத்தில் சமுத்திரகனியின் தங்கையாக, விக்ராந்துக்கு ஜோடியாக நடித்த அர்த்தனா பின்னு, வெண்ணிலா கபடிக்குழு-2 படத்திலும் விக்ராந்துக்கு ஜோடியாக நடித்து வருகிறார்.
அவரிடத்தில், டாப்சி பன்னுவைப் பார்த்துதான் அர்த்தனா பின்னு என்ற பெயர் வைத்துக் கொண்டீர்களா? என்று கேட்டால், அப்படியெல்லாம் இல்லீங்க. என் சொந்த பெயரே அதுதான். மேலும், மலையாளத்தில் நான் நடித்த முதல் படத்தில் எனது தந்தை விஜயகுமாரின் பெயரை சேர்த்து அர்த்தனா விஜயகுமாராகத்தான் அறிமுகமானேன். அவர் மலையாளத்தில் சீனியர் நடிகர். ஆனால் எனக்கு அப்பாவின் பெயரை பயன்படுத்தி சினிமாவில் முன்னேற விருப்பமில்லை. அதனால்தான் அவரது பெயரை எனது பெயரில் இருந்து நீக்கிவிட்டு அர்த்தனா பின்னு என்ற பெயரிலேயே தமிழில்ப் படங்களில் நடித்து வருகிறேன் என்கிறார் அவர்.