சவால் தான்... ஆனாலும் மகிழ்ச்சியே... - தமன்னா | 'கல்கி 2898 ஏடி' ரிலீஸ் ஜூன் 27-க்கு தள்ளிப்போனது | விஜய் பிறந்தநாளில் வெளியாகும் கோட் இரண்டாவது பாடல் | அல்லு அர்ஜூன் சம்பளம் ரூ.150 கோடியா... | நெல்சன் - விஜய்யின் கனவு படத்தில் யாரெல்லாம் நடிக்கிறார்கள் தெரியுமா ? | சிவசக்தியாக உருமாறிய தமன்னா | மம்முட்டிக்கு மாற்றாக நடிக்க பாலிவுட்டில் யாரும் இல்லை : வித்யாபாலன் பாராட்டு | சர்ச்சை நடிகருக்கு முன்பாக வேறு நடிகர் : புஷ்பா இயக்குனர் புது தகவல் | கேங்ஸ்டர் ரங்காவுக்கு ஏன் பிளாஷ்பேக் இல்லை ? ; ஆவேசம் இயக்குனர் | கவனம் பெறும் ‛ஸ்டார்' டிரைலர் : வெவ்வேறு லுக்கில் அசத்தும் கவின் |
டயமிங் காமெடியை வைத்து பிரபலமானவர் சந்தானம். அந்தவகையில், அவர் நடிக்கும் எந்த படமாக இருந்தாலும் அவரது பேச்சுத்தான் அதிகமாக இருக்கும். முன்னணி நடிகர்களின் படங்களாக இருந்தபோதும் அவர்களுடன் நடிக்கும் காட்சிகளில் அவர்களை விடவும் தானே அதிகமாக டயலாக் பேசி நடிப்பார் சந்தானம். ஆனால் இப்படி தனது வாயையே ஆயுதமாக கொண்டு செயல்பட்டு வரும் சந்தானம், தான் ஹீரோவாக நடித்த படங்களிலும் அதைத் தொடர்ந்து வருகிறார்.
ஆனால், தற்போது செல்வராகவன் இயக்கத்தில் நடிக்கும் மன்னவன் வந்தானடி படத்தில் சந்தானத்தை அவரது பாணியில் நடிக்கவே விடவில்லையாம் அவர். எனது படங்களில் பேச்சைக்குறைத்து பர்பாமென்ஸை அதிகமாக பண்ணுவது தான் ஹீரோக்களின் பாணி. அதைத்தான் நீங்களும் செய்ய வேண்டும் என்று சந்தானத்துக்கு வாய் நிறைய பேசுவதற்கு அவர் அனுமதியே கொடுக்கவில்லையாம். தேவைப்படும்போது மட்டும்தான் நீங்கள் வாயே திறக்க வேண்டும் என்று சொல்லி சந்தானத்துக்கு வாய்ப்பூட்டு போட்டு விட்டாராம் செல்வராகவன். இதனால், மன்னவன் வந்தானடி படத்தில் மாறுபட்ட ஹீரோவாகியிருக்கிறார் சந்தானம்.
ஆனால் இதை நினைத்து சந்தானமும் பீல் பண்ணவில்லை. நடப்பது எல்லாம் நல்லதுக்குத்தான் என்கிறார். காரணம், இதன்பிறகு கெளதம்மேனன் படத்தில் நடிக்கிறேன். அவர் பேசவே விட மாட்டார். அதனால் இந்த படத்தில் இருந்தே அவர் படத்தில் நடிப்பதற்கான பயிற்சியை தொடங்குகிறேன் என்று கூறுகிறாராம் சந்தானம்.