சவால் தான்... ஆனாலும் மகிழ்ச்சியே... - தமன்னா | 'கல்கி 2898 ஏடி' ரிலீஸ் ஜூன் 27-க்கு தள்ளிப்போனது | விஜய் பிறந்தநாளில் வெளியாகும் கோட் இரண்டாவது பாடல் | அல்லு அர்ஜூன் சம்பளம் ரூ.150 கோடியா... | நெல்சன் - விஜய்யின் கனவு படத்தில் யாரெல்லாம் நடிக்கிறார்கள் தெரியுமா ? | சிவசக்தியாக உருமாறிய தமன்னா | மம்முட்டிக்கு மாற்றாக நடிக்க பாலிவுட்டில் யாரும் இல்லை : வித்யாபாலன் பாராட்டு | சர்ச்சை நடிகருக்கு முன்பாக வேறு நடிகர் : புஷ்பா இயக்குனர் புது தகவல் | கேங்ஸ்டர் ரங்காவுக்கு ஏன் பிளாஷ்பேக் இல்லை ? ; ஆவேசம் இயக்குனர் | கவனம் பெறும் ‛ஸ்டார்' டிரைலர் : வெவ்வேறு லுக்கில் அசத்தும் கவின் |
ராகவா லாரன்ஸ் தனது ஒவ்வொரு படத்தின் போது அந்த சம்பளத்திலிருந்து ஒரு குறிப்பிட்ட தொகையை மக்கள் நலனுக்காக பயன்படுத்துகிறார். அதன்படி, இளைஞர்கள் சுய தொழில் தொடங்க ஒரு கோடி கொடுத்தார். தற்போது மொட்ட சிவா கெட்ட சிவா படத்தின் சம்ளத்திலிருந்து தற்கொலை செய்து கொண்ட விவசாயிகளின் குடும்பங்களுக்கு ஒரு கோடி அறிவித்துள்ளார். இதுகுறித்து அவர் கூறியதாவது:
சமீபத்தில் தற்கொலை செய்து கொண்ட ஒரு விவசாய குடும்பத்தினர் என்னை சந்தித்தனர். அவர்களை பார்த்தும் நான் அதிர்ச்சி அடைந்தேன். அவர்களின் எதிர்காலம் கேள்விக்குறியாகி இருக்கிறது. அந்த நேரத்தில் அவர்கள் கையில் 3 லட்சத்தை கொடுத்து அனுப்பினேன். ஆனால் அது நிரந்தர தீர்வல்ல.
தமிழ் நாட்டில் இதுவரை 271 விவசாயிகள் தற்கொலை செய்திருக்கிறார்கள். அந்த குடும்பங்கள் நடுத்தெருவில் நிற்கிறது. அவர்களுக்கு உதவும்படி நான் அரசிடம் கேட்க மாட்டேன். எனக்கு அரசியல் தெரியாது. 271 பேருக்கும் தனிப்பட்ட முறையில் என்னால் உதவ முடியாது. அதனால் அவர்களுக்காக உள்நாட்டிலும், வெளிநாட்டிலும் கலை நிகழ்ச்சி நடத்தி நிதி திரட்ட முடிவு செய்திருக்கிறேன்.
ஒரு குடும்பத்திற்கு 3 லட்சம் வீதம் கொடுக்க திட்டமிட்டிருக்கிறேன். முதலாவதாக நான் ஒரு கோடி போட்டு இதனை தொடங்கியிருக்கிறேன். கல்லூரி மாணவர்கள் 15 லட்சம் கொடுத்திருக்கிறார்கள். தயாரிப்பாளர் ஆர்.பி.சவுத்ரி 10 லட்சமும், இயக்குனர் பி.வாசு 5 லட்சமும், சிவலிங்கா தயரிப்பாளர் 5 லட்சமும், மொட்ட சிவா கெட்ட சிவா தயாரிப்பளார் 5 லட்சமும், டி.சிவா ஒரு லட்சமும் கொடுத்திருக்கிறார்கள். தொடர்ந்து நிதி குவிந்து வருகிறது. நானே நேரடியாக விவசாயிகளின் வீடுகளுக்கே சென்று நிதியை வழங்குவேன் என்றார் லாரன்ஸ்.