சவால் தான்... ஆனாலும் மகிழ்ச்சியே... - தமன்னா | 'கல்கி 2898 ஏடி' ரிலீஸ் ஜூன் 27-க்கு தள்ளிப்போனது | விஜய் பிறந்தநாளில் வெளியாகும் கோட் இரண்டாவது பாடல் | அல்லு அர்ஜூன் சம்பளம் ரூ.150 கோடியா... | நெல்சன் - விஜய்யின் கனவு படத்தில் யாரெல்லாம் நடிக்கிறார்கள் தெரியுமா ? | சிவசக்தியாக உருமாறிய தமன்னா | மம்முட்டிக்கு மாற்றாக நடிக்க பாலிவுட்டில் யாரும் இல்லை : வித்யாபாலன் பாராட்டு | சர்ச்சை நடிகருக்கு முன்பாக வேறு நடிகர் : புஷ்பா இயக்குனர் புது தகவல் | கேங்ஸ்டர் ரங்காவுக்கு ஏன் பிளாஷ்பேக் இல்லை ? ; ஆவேசம் இயக்குனர் | கவனம் பெறும் ‛ஸ்டார்' டிரைலர் : வெவ்வேறு லுக்கில் அசத்தும் கவின் |
ஒரு பக்கம் பணப் பிரச்சனை, மறு பக்கம் மனப் பிரச்சனை என தத்தளித்துக் கொண்டிருக்கிறது தமிழ்நாடு. கடந்த ஒரு மாத காலமாகவே வங்கிகளில் தங்களது பணத்தை எடுக்க முடியாதா, ஏடிம்களில் பணம் வருமா என தமிழ்நாடு மக்கள் அலைந்து கொண்டிருக்கிறார். அந்தப் பிரச்சனையால் சினிமா பார்க்க வரும் ரசிகர்கள் வெகுவாகவே குறைந்து போனதாக திரையுலகினர் வருத்தப்பட்டுக் கொண்டிருக்கிறார்கள். டெபிட் கார்டு, கிரெடிட் கார்டு, நெட் பேன்கிங் வசதி உள்ளவர்கள் மட்டும் குறிப்பாக மாநகரங்களில் ஆன்லைன் மூலம் படம் பார்த்துக் கொண்டிருக்கிறார்கள். அதனால், 'ஏ' சென்டர்களில் மட்டுமே படங்களின் வசூல் குறிப்பிட்டுச் சொல்லும்படியாக இருக்கிறது.
முதல்வர் ஜெயலலிதா மறைவால் கடந்த சில நாட்களாகவே தமிழ்நாடு மக்கள் மனப் பிரச்சனையிலும் சிக்கிக் கொண்டிருக்கிறார்கள். இன்னமும் பெரும்பாலான மக்கள் இயல்பு வாழ்க்கைக்குத் திரும்ப முடியாத நிலையும் ஏற்பட்டுள்ளது. இதனிடையே, அடுத்த சில நாட்களில் கன மழை வரப் போவதாக வானிலை மையமும் அறிவித்துள்ளது. இவற்றோடு, நாளை முதல் தமிழ்நாடு முழுவதும் அரையாண்டுத் தேர்வுகள் வேறு ஆரம்பமாக உள்ளது.
இத்தனை சங்கடங்களையும் எப்படியும் சமாளித்து விடுவோம் என்ற நம்பிக்கையுடன் நாளை 'சென்னை 28 - இன்னிங்ஸ் 2, பறந்து செல்ல வா, அட்டி' ஆகிய படங்கள் வெளியாக உள்ளது. 'சென்னை 28' படம் 2007ம் ஆண்டு வெளிவந்து எதிர்பாராத வெற்றியைப் பெற்றது. முதல் இன்னிங்ஸில் முன்னிலை பெற்றவர்கள், நாளை வெளியாக உள்ள இரண்டாவது இன்னிங்ஸிலும் முன்னிலை பெறுவார்களா ?. 'அட்டி' படம் இதற்கு முன் இரண்டொரு முறை வெளியீட்டு அறிவிப்பு வந்து தள்ளிப் போய் நாளை வெளியாக உள்ளது. 'பறந்து செல்ல வா' படம் முற்றிலும் சிங்கப்பூரில் படமாக்கப்பட்ட ஒரு படம்.
பெரிய நட்சத்திரங்களின் படங்கள் இவையில்லை என்றாலும் அவர்களது நம்பிக்கையில் எப்படி வெற்றி பெறப் போகிறார்கள் என்பதுதான் கேள்வியே.