சவால் தான்... ஆனாலும் மகிழ்ச்சியே... - தமன்னா | 'கல்கி 2898 ஏடி' ரிலீஸ் ஜூன் 27-க்கு தள்ளிப்போனது | விஜய் பிறந்தநாளில் வெளியாகும் கோட் இரண்டாவது பாடல் | அல்லு அர்ஜூன் சம்பளம் ரூ.150 கோடியா... | நெல்சன் - விஜய்யின் கனவு படத்தில் யாரெல்லாம் நடிக்கிறார்கள் தெரியுமா ? | சிவசக்தியாக உருமாறிய தமன்னா | மம்முட்டிக்கு மாற்றாக நடிக்க பாலிவுட்டில் யாரும் இல்லை : வித்யாபாலன் பாராட்டு | சர்ச்சை நடிகருக்கு முன்பாக வேறு நடிகர் : புஷ்பா இயக்குனர் புது தகவல் | கேங்ஸ்டர் ரங்காவுக்கு ஏன் பிளாஷ்பேக் இல்லை ? ; ஆவேசம் இயக்குனர் | கவனம் பெறும் ‛ஸ்டார்' டிரைலர் : வெவ்வேறு லுக்கில் அசத்தும் கவின் |
ஹரி இயக்கத்தில் சூர்யா, அனுஷ்கா, ஸ்ருதிஹாசன் மற்றும் பலர் நடிக்கும் 'எஸ் 3' படத்தின் படப்பிடிப்பு முடிவடைந்துவிட்டது. இந்த வருடத் துவக்கத்தில் ஆரம்பமான இப்படத்தின் படப்பிடிப்பு சுமார் பத்து மாத காலங்களில் நிறைவடைந்துள்ளது. சென்னை, விசாகப்பட்டிணம், ஐதராபாத், ஜார்ஜியா உள்ளிட்ட இடங்களில் இப்படத்தின் படப்பிடிப்பு நடைபெற்றுள்ளது.
ஹரி இயக்கத்தில் சூர்யா நடித்த 'சிங்கம்' படத்தின் முதல் பாகம் 2010ம் ஆண்டு வெளிவந்தது. இரண்டாம் பாகம் 2013ம் ஆண்டு வெளிவந்தது. இந்த இரண்டு பாகங்களும் வியாபார ரீதியாக பெரிய வெற்றியைப் பெற்றது. ஆனால், மூன்றாவது பாகத்திற்கு 'சிங்கம் 3' எனப் பெயர் வைக்காமல் 'எஸ் 3' எனப் பெயர் வைத்திருக்கிறார்கள். இப்படத்தை ஒரே சமயத்தில் தெலுங்கிலும் வெளியிட உள்ளார்கள்.
சூர்யாவிற்கு இதற்கு முன் வெளிவந்த சில படங்கள் வியாபார ரீதியாக பெரிய வெற்றியைத் தராததால் அவர் 'எஸ் 3' படத்தைத்தான் பெரிதும் நம்பிக் கொண்டிருக்கிறார். அதற்கேற்றபடி இப்படத்தின் வியாபாரமும் படப்பிடிப்பு நடைபெற்றுக் கொண்டிருக்கும் போதே நடந்து முடிந்தது. முதல் இரண்டு பாகங்களிலும் நடித்த அனுஷ்கா, மூன்றாவது பாகத்திலும் இருக்கிறார். கூடவே மற்றொரு நாயகியாக ஸ்ருதிஹாசன் நடித்துள்ளார். ஹாரிஸ் ஜெயராஜ் இசையமைத்துள்ள இப்படத்தின் டீசர் தீபாவளி அன்று வெளியாகும் என்று எதிர்பார்க்கப்படுகிறது.
டிசம்பர் 16ம் தேதி படத்தை வெளியிடுகிறார்கள்.