வீர தீர சூரன் படத்தில் மூன்று தோற்றத்தில் நடிக்கும் விக்ரம் | ஜூனியர் என்டிஆரை இயக்கும் அஜய் ஞானமுத்து? | ஹாலிவுட் ஹீரோயின் ரேஞ்சுக்கு போட்டோ சூட் நடத்திய நயன்தாரா! | விஜய்யின் கடைசி படத்தில் இணையும் சமந்தா- கீர்த்தி சுரேஷ்! | ராணுவ வீரர் முகுந்த் வரதராஜனின் நினைவிடத்தில் சல்யூட் அடித்து மரியாதை செலுத்திய சிவகார்த்திகேயன்! | சலார் 2ம் பாகத்தில் கியாரா அத்வானி? | ரீ ரிலீஸ் : அஜித் பிறந்தநாளில் மங்காத்தாவா... பில்லாவா... | அமிதாப் பச்சன், ஏ.ஆர்.ரஹ்மானுக்கு லதா மங்கேஷ்கர் விருது வழங்கி கவுரவிப்பு | மீண்டும் இரண்டு வேடத்தில் நடிக்கும் அருண் விஜய் | பிளாஷ்பேக் : உச்சத்தில் இருந்துவிட்டு மியூசிக் டீச்சரான இசை அமைப்பாளர் |
விஜய் தற்போது நடித்து வரும் படத்திற்கு 'எங்க வீட்டுப் பிள்ளை' என பெயர் வைக்கப்படுவதாக கடந்த சில வாரங்களாகவே பரபரப்பான செய்திகள் வெளிவந்து கொண்டிருந்தன. அதேசமயம் எம்ஜிஆர் ரசிகர்கள் அந்தப் பெயரை விஜய் படத்திற்கு வைக்கக் கூடாது என கண்டிப்புடன் கூறியதாலும் தயாரிப்பு நிறுவனமே எங்களது படத்திற்கு அப்படி ஒரு பெயர் வைக்கவில்லை என அறிவித்தனர். படத்தின் டைட்டில் பற்றி நாங்களே அறிவிக்கிறோம் என்று சொன்னார்கள். இருந்தாலும் இதுவரை படத்தின் டைட்டில் என்ன என்பதை அவர்கள் அறிவிக்கவில்லை.
இதனிடையே படத்தின் தலைப்பை 'உங்க வீட்டுப் பிள்ளை' என வைக்கப் போவதாக தற்போது புதிய தகவல் ஒன்று கோலிவுட்டில் பரவி வருகிறது. ஆனால், 1984ம் ஆண்டு பிரபு, பூர்ணிமா ஜெயராம் நடித்த 'உங்க வீட்டுப் பிள்ளை' என்ற பெயரில் ஒரு படம் வெளிவந்துள்ளது. அதோடு 2010ம் ஆண்டில் புதுமுகங்கள் விஷ்ணுசரன், ஆஷிதா, சுரபி ஆகிய புதுமுகங்கள் நடிக்க 'உங்க வீட்டுப் பிள்ளை' என்ற பெயரில் மீண்டும் ஒரு படம் தயாரானது. அந்தப் படம் வெளிவந்ததாக இதுவரை தகவல் இல்லை.
இப்போது விஜய் நடிக்கும் புதிய படத்திற்கு ஏற்கெனவே வந்த 'உங்க வீட்டுப் பிள்ளை' என்ற தலைப்பை வைப்பார்களா என்பது கேள்விக்குறிதான். அதிலும் அந்தப் பெயரெல்லாம் அந்தக் காலப் பெயர்கள். இந்தக் காலத்திற்கேற்ப புதிய தலைப்பை வைக்காமல் அப்படிப்பட்ட பழைய பெயர்களைத் தேர்வு செய்ய மாட்டார்கள் என்றும் சிலர் சொல்கிறார்கள். தயாரிப்பு நிறுவனம் சீக்கிரமே பெயரை அறிவித்தால் நல்லது.