சவால் தான்... ஆனாலும் மகிழ்ச்சியே... - தமன்னா | 'கல்கி 2898 ஏடி' ரிலீஸ் ஜூன் 27-க்கு தள்ளிப்போனது | விஜய் பிறந்தநாளில் வெளியாகும் கோட் இரண்டாவது பாடல் | அல்லு அர்ஜூன் சம்பளம் ரூ.150 கோடியா... | நெல்சன் - விஜய்யின் கனவு படத்தில் யாரெல்லாம் நடிக்கிறார்கள் தெரியுமா ? | சிவசக்தியாக உருமாறிய தமன்னா | மம்முட்டிக்கு மாற்றாக நடிக்க பாலிவுட்டில் யாரும் இல்லை : வித்யாபாலன் பாராட்டு | சர்ச்சை நடிகருக்கு முன்பாக வேறு நடிகர் : புஷ்பா இயக்குனர் புது தகவல் | கேங்ஸ்டர் ரங்காவுக்கு ஏன் பிளாஷ்பேக் இல்லை ? ; ஆவேசம் இயக்குனர் | கவனம் பெறும் ‛ஸ்டார்' டிரைலர் : வெவ்வேறு லுக்கில் அசத்தும் கவின் |
இசையமைப்பாளராக இருந்த ஜிவி.பிரகாஷ் குமார், திடீரென ஹீரோவாக அவதரித்த படம் பென்சில். மணிநாகராஜ் இயக்கியுள்ள இப்படத்தில் ஜிவி பிரகாஷ் ஜோடியாக ஸ்ரீதிவ்யா நடித்துள்ளார். இப்படம் முடிந்து ஓராண்டுக்கு மேலாகிவிட்டது. ஆனால் இந்தப்படம் வெளிவர சில பிரச்னைகள் ஏற்பட்டதால் அதன்பின்னர் ஜிவி பிரகாஷ் நடித்த டார்லிங், த்ரிஷா இல்லேன்னா நயன்தாரா படங்கள் ரிலீஸாகி வெற்றி பெற்று அவரை பிரபலமாக்கிவிட்டது. தற்போது புருஸ்லீ, எனக்கு இன்னோரு பேரு இருக்கு உள்ளிட்ட பல படங்கள் கைவசம் வைத்திருக்கிறார் ஜிவி.
இந்நிலையில் நீண்டநாட்களாக கிடப்பில் கிடந்த பென்சில் இப்போது ரிலீஸ்க்கு தயாராகிவிட்டது. நாளை(மே 13ம் தேதி) இப்படம் வெளிவர இருக்கிறது. இதனிடையே பென்சில் படம் பள்ளியில் நடக்கும் பல சம்பவங்களை தோலுரித்து காட்ட உள்ளதாம். இதனால் சில தனியார் பள்ளிகள் இப்படத்திற்கு எதிர்ப்பு தெரிவித்துள்ளதாக ஒரு செய்தி வெளியாகியுள்ளது. ஆனால், பென்சில் படம் திட்டமிட்டப்படி நாளை வெளிவரும் என்று கூறியுள்ளார் இப்படத்தின் இயக்குநர் மணிநாகராஜ்.
இதுகுறித்து அவர் மேலும் கூறியிருப்பதாவது... ‛‛யாராலும் எழுதி கொடுத்து வாங்க முடியாதது கல்வி. அத்தகைய கல்வியில் கற்று கொடுக்கும் பள்ளியில் நடக்கும் சம்பவங்களை படத்தில் சொல்லியிருக்கிறோம். படம் பார்க்கும்போது கண்டிப்பாக ஒருவித உணர்வு ஏற்படும். பள்ளி மாணவர்களாக ஜிவிபிரகாஷ்குமாரும், ஸ்ரீதிவ்யாவும் முக்கிய ரோலில் நடித்திருக்கிறார்கள். திட்டமிட்டப்படி நாளை பென்சில் படம் வெளிவரும், அதில் எந்த மாற்றமும் இல்லை'' என்று கூறியுள்ளார்.