சவால் தான்... ஆனாலும் மகிழ்ச்சியே... - தமன்னா | 'கல்கி 2898 ஏடி' ரிலீஸ் ஜூன் 27-க்கு தள்ளிப்போனது | விஜய் பிறந்தநாளில் வெளியாகும் கோட் இரண்டாவது பாடல் | அல்லு அர்ஜூன் சம்பளம் ரூ.150 கோடியா... | நெல்சன் - விஜய்யின் கனவு படத்தில் யாரெல்லாம் நடிக்கிறார்கள் தெரியுமா ? | சிவசக்தியாக உருமாறிய தமன்னா | மம்முட்டிக்கு மாற்றாக நடிக்க பாலிவுட்டில் யாரும் இல்லை : வித்யாபாலன் பாராட்டு | சர்ச்சை நடிகருக்கு முன்பாக வேறு நடிகர் : புஷ்பா இயக்குனர் புது தகவல் | கேங்ஸ்டர் ரங்காவுக்கு ஏன் பிளாஷ்பேக் இல்லை ? ; ஆவேசம் இயக்குனர் | கவனம் பெறும் ‛ஸ்டார்' டிரைலர் : வெவ்வேறு லுக்கில் அசத்தும் கவின் |
வாகை சூடவா இனியா மலையாள சினிமாவில் இருந்து தமிழுக்கு வந்தபோது அசின் இடத்தை பிடிக்க வேண்டும் என்பதுதான் அவரது கனவாக இருந்தது. ஆனால், கவர்ச்சிக்கு கடிவாளம் போட்டதால் அவரை மெகா பட டைரக்டர்கள் கண்டு கொள்ளவில்லை. அதனால் வேகமாக வளருவார் என்று எதிர்பார்க்கப் பட்ட இனியா, இப்போது கேரக்டர் நடிகையாகி விட்டார். கைவசம் பத்து படங்களுக்கு மேல் வைத்திருக்கிறார். பாசிட்டீவ், நெகடீவ் என இரண்டுவிதமான வேடங்களிலும் நடித்து வருகிறார் இனியா. ஆனால், பெரிய அளவில் கதாநாயகியாக வளர வேண்டிய நான் பின்தங்கியதற்கு காரணமே சில மேனேஜர்கள்தான் என்று வேதனையுடன் சொல்கிறார் இனியா. இதுபற்றி அவர் கூறுகையில், கோடம்பாக்கத்துக்கு நான் புதிதாக வந்தபோது இங்கே யாரையும் எனக்கு தெரியாது. அதனால் யார் எதை சொன்னாலும் நம்பிவிடுவேன். அப்படி நான் நம்பிய சிலர் எனக்கு சில முன்னணி ஹீரோக்களின் படங்கள் வரயிருந்தபோது அதிக சம்பளம் கேட்டு அந்த படங்களை எனக்கு கிடைக்க விடாமல் செய்து விட்டனர். அதனால்தான், என் மார்க்கெட் சரிந்துபோனது.
அதன்பிறகு நான் சுதாரித்துக்கொண்டேன். அதனால் எனக்கென்று மேனேஜர் யாரையும் வைக்காமல் இப்போது நானே டீல் பண்ணுகிறேன். அப்படியே யாராவது மேனேஜர் மூலமாக படங்கள் வந்தாலும் அந்த படம் குறித்து நானும் தொடர்புகொண்டு பேசிய பிறகுதான் முடிவெடுக்கிறேன் என்று கூறும் இனியா, இப்போது நான் வித்தியாசமான கேரக்டர்களிலேயே அதிமாக நடிக்கிறேன். என்றாலும், சில படங்கள் கதாநாயகியாகவும் நடிக்கிறேன். அதோடு, படத்துக்குப்படம் வித்தியாசமான ரோல்களில் நடிக்கிறேன். அதனால் கதாநாயகியாக எனது மார்க்கெட் பெரிதாக இல்லை என்றாலும் நல்லதொரு கேரக்டர் நடிகையாக நான் சினிமாவில் நீண்டகாலம் நடிப்பதற்கான வாய்ப்புகள் தற்போது ஏற்பட்டிருக்கிறது என்கிறார். மேலும், கதை கேட்பது, சம்பளம், கால்சீட் என அனைத்து விசயங்களையும் தானே டீல் பண்ணி வருகிறார் இனியா.