சவால் தான்... ஆனாலும் மகிழ்ச்சியே... - தமன்னா | 'கல்கி 2898 ஏடி' ரிலீஸ் ஜூன் 27-க்கு தள்ளிப்போனது | விஜய் பிறந்தநாளில் வெளியாகும் கோட் இரண்டாவது பாடல் | அல்லு அர்ஜூன் சம்பளம் ரூ.150 கோடியா... | நெல்சன் - விஜய்யின் கனவு படத்தில் யாரெல்லாம் நடிக்கிறார்கள் தெரியுமா ? | சிவசக்தியாக உருமாறிய தமன்னா | மம்முட்டிக்கு மாற்றாக நடிக்க பாலிவுட்டில் யாரும் இல்லை : வித்யாபாலன் பாராட்டு | சர்ச்சை நடிகருக்கு முன்பாக வேறு நடிகர் : புஷ்பா இயக்குனர் புது தகவல் | கேங்ஸ்டர் ரங்காவுக்கு ஏன் பிளாஷ்பேக் இல்லை ? ; ஆவேசம் இயக்குனர் | கவனம் பெறும் ‛ஸ்டார்' டிரைலர் : வெவ்வேறு லுக்கில் அசத்தும் கவின் |
தமிழ் சினிமாவையும், இணைய உலகத்தையும் பிரிக்க முடியாது என்ற நிலைமை வந்துவிட்டது. அதிலும் இணைய உலகத்தில் அஜித் ரசிகர்களின் அட்டகாசம் அதை விட பல மடங்கு இருக்கிறது. இன்று(அக்.,8ம் தேதி) வெளியான வேதாளம் படத்தின் டீசரை இரண்டு வியத்தகு சாதனைகளைப் புரிய வைத்து அஜித் ரசிகர்கள் அசத்தியிருக்கிறார்கள்.
நள்ளிரவு 12 மணிக்கு வெளியான வேதாளம் டீசர் அடுத்த சில மணி நேரங்களுக்குள்ளேயே விறுவிறுவென ஹிட்ஸிலும், லைக்கிலும் ஏறிக் கொண்டே போனது. இன்று மாலை 4 மணிக்கு சுமார் 10 லட்சம் ஹிட்ஸ்களைக் கடந்த டீசர் தற்போது 11 லட்சத்தைக் கடந்து போய்க் கொண்டிருக்கிறது. 16 மணி நேரங்களுக்குள் எந்த ஒரு திரைப்பட டீசரும் புரியாத ஒரு சாதனையை இந்தப் படம் புரிந்திருக்கிறது.
அடுத்து இரவு 7 மணியளவில் 1 லட்சம் லைக்குகளைக் கடந்து இரண்டாவது சாதனையைப் புரிந்துள்ளது. புலி படத்தின் டிரைலர் 1 லட்சம் லைக்குகளை ஒரு மாதத்தில் கடந்து புரிந்த சாதனையை வெறும் 17 மணி நேரத்திலேயே வேதாளம் படம் புரிந்திருப்பது ஆச்சரியத்திலும் ஆச்சரியம்தான். எந்த ஒரு இந்திய நடிகருக்கும் கிடைத்திராத சாதனையை அஜித் படத்தின் டீசர் செய்திருப்பது பலரையும் ஆச்சர்யத்தில் ஆழ்த்தியுள்ளது.
இத்தனைக்கும் அஜித் ரசிகர் மன்றங்களைக் கலைத்து பல வருடங்களாகிவிட்டது. இருந்தாலும் அஜித் படம் வெளிவந்தாலே ஓபனிங் வசூல் அள்ளும் என்பார்கள், இப்போது டீசரும், டிரைலரும் கூட அந்த ஓபனிங்கை கொடுக்க ஆரம்பித்துவிட்டது.