Dinamalar

அதிரடி சண்டைக் காட்சிகளுடன் உருவாகும் சிவம்

தெலுங்கு நடிகர் ராம் தற்போது நடித்து வரும் சிவம் படத்தை அறிமுக இயக்குநர் ஸ்ரீநிவாச ரெட்டி இயக்கி வருகின்றார். இப்படத்தில் ராமிற்கு ஜோடியாக நேகா சர்மா மற்றும் ரக்ஷி கண்ணா என இரு நடிகைகள் நடித்து வருகின்றனர். இசையமைப்பாளர் தேவி ஸ்ரீ பிரசாத் இப்படத்திற்கு இசையமைத்துள்ளார். ஹைதராபாத்தில் படப்பிடிப்பை முடித்த படக்குழு பின்னர் ஊட்டியில் படப்பிடிப்பை நடத்தினர். இப்படத்தின் தயாரிப்பாளர் ரவி கிஷோர் படம் குறித்து கூறுகையில், படத்தின் முதற்கட்ட படப்பிடிப்பு ஹைதராபாத்திலும் இரண்டாம் கட்ட படப்பிடிப்பு ஊட்டியிலும் நடைபெற்று முடிந்துள்ளது. தற்போது இப்படத்தின் 70%படப்பிடிப்புகள் நிறைவு பெற்றுள்ளன. இப்படத்தில் அதிரடி சண்டைக் காட்சிகளுக்கு பஞ்சமே இருக்காது இருப்பினும் மாஸ் மற்றும் கிளாஸ் ரசிகர்களுக்கு இப்படம் புதிய அனுபவத்தைக் கொடுக்கும் என்று கூறியுள்ளார். இப்படத்தின் இறுதி கட்ட படப்பிடிப்புகள் நடைபெற்று வருவதால் சிவம் படம் செப்டம்பரில் திரைக்கு வரும் என அறிவிக்கப்பட்டுள்ளது.

• செய்திகள்