சவால் தான்... ஆனாலும் மகிழ்ச்சியே... - தமன்னா | 'கல்கி 2898 ஏடி' ரிலீஸ் ஜூன் 27-க்கு தள்ளிப்போனது | விஜய் பிறந்தநாளில் வெளியாகும் கோட் இரண்டாவது பாடல் | அல்லு அர்ஜூன் சம்பளம் ரூ.150 கோடியா... | நெல்சன் - விஜய்யின் கனவு படத்தில் யாரெல்லாம் நடிக்கிறார்கள் தெரியுமா ? | சிவசக்தியாக உருமாறிய தமன்னா | மம்முட்டிக்கு மாற்றாக நடிக்க பாலிவுட்டில் யாரும் இல்லை : வித்யாபாலன் பாராட்டு | சர்ச்சை நடிகருக்கு முன்பாக வேறு நடிகர் : புஷ்பா இயக்குனர் புது தகவல் | கேங்ஸ்டர் ரங்காவுக்கு ஏன் பிளாஷ்பேக் இல்லை ? ; ஆவேசம் இயக்குனர் | கவனம் பெறும் ‛ஸ்டார்' டிரைலர் : வெவ்வேறு லுக்கில் அசத்தும் கவின் |
8 வருடங்களுக்குப்பிறகு 36 வயதினிலே படத்தில் நடித்துள்ள ஜோதிகா, அந்த படத்திற்கு பெரிய வரவேற்பு கிடைக்கும் என்று எதிர்பார்த்திருக்கிறார். அதோடு, கடந்த 7 வருடங்களாக குடும்பம், குழந்தைகள் என்று சினிமாவுக்கு துளியும் தொடர்பில்லாமல் முழு நேர இல்லத்தரசியாக வாழ்ந்து வந்த ஜோதிகா, இந்த படத்தில் நடித்தபோதும் நடிகை என்கிற எந்தவித சாயலும் இல்லாத அளவுக்கு ஒரு குடும்ப பெண்ணாகவே ஸ்பாட்டிற்கு வந்திருக்கிறார்.
மேலும், தன்னுடன் நடித்த நடிகர் நடிகைகளின் நடிப்பை உன்னிப்பாக கவனித்த ஜோதிகா, அவர்கள் சிறப்பாக நடிக்கிறபோது கைதட்டி ஆரவாரமும் செய்திருக்கிறார். இன்னும் சிலரை உங்கள் நடிப்பு பிரமாதமாக இருந்தது என்று மனதார வாழ்த்தினாராம் ஜோதிகா. அவரிடமிருந்து இந்த பாராட்டுக்களை எதிர்பார்க்காத சக நடிகர்கள் அசந்து போனார்களாம்.
அதனால், 36 வயதினிலே படத்தில் நடித்த அனைவரும் ஜோதிகா கொடுத்த இந்த உற்சாகத்தினால் அதிக ஈடுபாடு காட்டி இயல்பாக நடித்தார்களாம். இப்படி நடித்தவர்கள் அனைவரிடமும் ஒரு குடும்பத்தினர் போன்று ஜோதிகா பழகியதால், படப்பிடிப்பு முடிந்து கடைசி நாள் பிரிகிறபோது சிலர் கண்கலங்கி விட்டார்களாம். அந்த அளவுக்கு ஒவ்வொருவரிடமும் ஆத்மார்த்தமான அன்போடு பழகினாராம் ஜோதிகா.