நெல்சன் - விஜய்யின் கனவு படத்தில் யாரெல்லாம் நடிக்கிறார்கள் தெரியுமா ? | சிவசக்தியாக உருமாறிய தமன்னா | மம்முட்டிக்கு மாற்றாக நடிக்க பாலிவுட்டில் யாரும் இல்லை : வித்யாபாலன் பாராட்டு | சர்ச்சை நடிகருக்கு முன்பாக வேறு நடிகர் : புஷ்பா இயக்குனர் புது தகவல் | கேங்ஸ்டர் ரங்காவுக்கு ஏன் பிளாஷ்பேக் இல்லை ? ; ஆவேசம் இயக்குனர் | கவனம் பெறும் ‛ஸ்டார்' டிரைலர் : வெவ்வேறு லுக்கில் அசத்தும் கவின் | நான்கு மொழிகளில் ரீமேக்காகும் ஹிட் தொடர் | அந்தமானுக்கு ஹனிமூன் சென்ற சுவாசிகா - பிரேம் ஜாக்கப் | ஒரே வருடத்தில் எண்ட் கார்டு போட்ட ஹிட் சீரியல் : ரசிகர்கள் வருத்தம் | அமரன் படத்தின் இறுதிகட்ட படப்பிடிப்பு விறுவிறுப்பு |
தமிழ் சினிமாவின் முக்கியமான தயாரிப்பு நிறுவனங்களில் ஒன்று ஜே.எஸ்.கே பிலிம் கார்பரேஷன். பசுபதி கேர் ஆஃப் ராசாக்காபாளையம், வேலுபிரபாகரனின் காதல் கதை, நடுவுல கொஞ்சம் பக்கத்தை காணோம், ஆரோகணம், பரதேசி, தங்க மீன்கள், இதற்குத் தானே ஆசைப்படாய் பாலகுமாரா, ரம்மி, மதயானைக்கூட்டம், ஒரு கன்னியும் மூணு களவாணிகளும், படங்களை தயாரித்தது. அல்லது தயாரித்தவர்களிடமிருந்து வாங்கியது. தற்போது நாலு போலீசும் நல்ல இருந்த ஊரும், குற்றம் கடிதல், அண்டாவ காணோம், படங்களை தயாரித்து வருகிறது.
தற்போது இந்த நிறுவனம் தங்களது படங்களை யூ டியூப், கூகுள் ப்ளே, ஐ டியூன் ஆகியவற்றில் வெளியிட இருக்கிறது. "ஒரு படம் திரையரங்கை விட்டு வெளியே வந்துவிட்டால் மக்கள் அந்தப்ப படத்தை திருட்டு விசிடியிலோ, அல்லது திருட்டுத்தனமாக டவுண்லோட் செய்தோ, அல்லது தொலைக்காட்சியில் ஒளிபரப்பாகும் வரை காத்திருந்தோதான் பார்க்க வேண்டும். இந்த நிலையை மாற்றி அமைக்க படம் தியேட்டரை விட்டு வந்ததும் நவீன தொழில்நுட்பங்கள் மூலம் முறைப்படி மக்களுக்கு கொண்டு சேர்க்க இருக்கிறோம். புதுபடங்களின் ஆடியோவையும் அவ்வாறு வெளியிட இருக்கிறோம். 17ந் தேதி முதல் வேலுபிரபாகரனின் காதல் கதை படத்தையும், நாலு போலீசும் நல்லா இருந்த ஊரும் படத்தின் ஆடியோவையும் வெளியிடுகிறோம். பின்னர் எங்கள் மற்ற படங்களையும் முறைப்படி அறிவித்து வெளியிட இருக்கிறோம். https://www.youtube.com/JSKFilmCorp: என்ற யூ டியூப் லிங்கில் எங்கள் படங்களை காணலாம். இவ்வாறு ஜே.எஸ்.கே நிறுவனம் வெளியிட்டுள்ள செய்தி குறிப்பில் கூறப்பட்டுள்ளது.