சவால் தான்... ஆனாலும் மகிழ்ச்சியே... - தமன்னா | 'கல்கி 2898 ஏடி' ரிலீஸ் ஜூன் 27-க்கு தள்ளிப்போனது | விஜய் பிறந்தநாளில் வெளியாகும் கோட் இரண்டாவது பாடல் | அல்லு அர்ஜூன் சம்பளம் ரூ.150 கோடியா... | நெல்சன் - விஜய்யின் கனவு படத்தில் யாரெல்லாம் நடிக்கிறார்கள் தெரியுமா ? | சிவசக்தியாக உருமாறிய தமன்னா | மம்முட்டிக்கு மாற்றாக நடிக்க பாலிவுட்டில் யாரும் இல்லை : வித்யாபாலன் பாராட்டு | சர்ச்சை நடிகருக்கு முன்பாக வேறு நடிகர் : புஷ்பா இயக்குனர் புது தகவல் | கேங்ஸ்டர் ரங்காவுக்கு ஏன் பிளாஷ்பேக் இல்லை ? ; ஆவேசம் இயக்குனர் | கவனம் பெறும் ‛ஸ்டார்' டிரைலர் : வெவ்வேறு லுக்கில் அசத்தும் கவின் |
சேது படத்தில் எப்படி மனநிலை பாதிக்கப்பட்ட கேரக்டரில் நடிக்க தன்னை முழுசாக அர்ப்பணித்தாரோ அதேபோல் அதையடுத்து, காசி, பிதாமகன், அந்நியன் என ஒவ்வொரு படங்களிலுமே அந்தந்த கதாபாத்திரங்களாக பிரதிபலித்து வருகிறார் விக்ரம். அந்த வகையில், இப்போது ஷங்கர் இயக்கத்தில் அவர் நடித்துள்ள ஐ படம் மிகவும் முககியத்துவம் வாய்ந்தது.
அந்நியனில் அம்பி, ரெமோ, அந்நியன் என மூன்று விதமான கெட்டப்புகளில் நடித்த விக்ரம், இந்த ஐ படத்தில் நான்கு கெட்டப்புகளில் நடித்திருக்கிறார். அதில் இரண்டு வேடங்களுக்காக தன்னை ரொம்பவே வருத்தி எடுத்து நடித்திருக்கிறார். பாடி பில்டராக ஒரு வேடம், இன்னொன்று ரெமோ போன்று ஒரு ஸ்டைலிஷான வேடம். ஆனால் இந்த இரண்டையும் விட மனிதன் பாதி மிருகம் பாதி அவர் நடித்துள்ள வேடமும், இன்னொரு ஒல்லிபச்சானாக நடித்துள்ள வேடத்திற்காகவும்தான் அதிக சிரத்தை எடுத்து நடித்துள்ளார் விக்ரம்.
குறிப்பாக, தனது உடல் எடையை பாதிக்கு மேல் குறைத்து அவர் நடித்துள்ள அந்த ஒல்லியான வேடத்திற்காக, டாக்டர்கள், டயட்டிஸ்டுகளை அணுகி, எந்த மாதிரியான உணவுகளை தவிர்த்தால் உடல் எடையை குறைக்க முடியும். அதோடு எந்த அளவு வரை குறைத்தால் உடம்பு பாதிக்காமல் இருக்கும் என்பதை தெளிவாக தெரிந்து கொண்டு இந்த ரிஸ்க்கை எடுத்திருக்கிறார் விக்ரம்.
மற்றபடி இந்த வேடம் கதையில் முக்கியமானது என்றபோதும், விக்ரமை அந்த அளவுக்கு வருத்தி எடுக்க டைரக்டர் ஷங்கருக்கு உடன்பாடு இல்லையாம். ஆனால் விக்ரம்தான் எதையும் வித்தியாசமாக செய்ய நினைப்பதால் இந்த கேரக்ருக்காக நான் கஷ்டப்பட தயார் என்று மாதக்கணக்கில் அதற்கான பயிற்சிகளை எடுத்து தன்னை அடையாளமே தெரியாதவராக மாற்றி, ஷங்கர் முன்வந்து நின்று அதிர்ச்சி கொடுத்தாராம். விக்ரமை அந்த கோலத்தில் பார்த்த ஷங்கர், சீக்கிரமே இந்த கெட்டப்புக்கான காட்சிகளை எடுத்து விட்டு விக்ரமை பழையநிலைக்கு கொண்டு வந்துவிட வேண்டும் என்று அவசரஅவசரமாக படப்பிடிப்பை நடத்தினாராம்.