ஸ்டார் படத்தில் பத்து பாடல்கள் | வாடிவாசல், புறநானூறு படங்கள் உருவாகுமா? - சூர்யா சொன்ன தகவல் | தமிழுக்கு வரும் ஆதியா பிரசாத் | மீண்டும் இணைந்த 'ஜோ' ஜோடி | காந்தியின் வாழ்க்கை தொடரில் இணைந்த ஹாலிவுட் நடிகர்கள் | கமல் மீது தயாரிப்பாளர் சங்கத்தில் லிங்குசாமி புகார் | ‛கூலி'க்கு இளையராஜா அனுப்பிய நோட்டீஸ் : ரஜினி கருத்து | ‛குட் பேட் அக்லி' : இளமை தோற்றத்திற்கு திரும்பும் அஜித் | தீபாவளிக்கு வெளியாகும் கவின் படம் | கனா தர்ஷனின் புதிய பட அறிவிப்பு |
பிரபல நடன மாஸ்டர் சுந்தரத்தின் வாரிசு பிரபுதேவா. நடன மாஸ்டராக பணியாற்றி வந்த இவர், ஜெனடில்மேன் படத்தில் சிக்குபுக்கு சிக்குபுக்கு ரயிலே, வால்டர் வெற்றிவேல் படத்தில் சின்ன ராசாவே சித்தெறும்பு என்னை கடிக்குது என சில படங்களில் இடமபெற்ற பாடல்களில் நடனமாடினார். அவரது வித்தியாசமான நடன அசைவுகள் ரசிகர்களை கவர்ந்ததால், ஷங்கர் இயக்கிய காதலன் படத்தில் ஹீரோவாகி விட்டார் பிரபுதேவா.
அதையடுத்து, தமிழ், தெலுங்கில் ஏராளமான படங்களில் நடித்தார். ஆனால், ஒரு கட்டத்தில் தனது ஹீரோ மார்க்கெட் கவிழ்கிறது என்பதை அறிந்ததும் டைரக்ஷனுக்கு தாவினார். தனது தாய்மொழியான தெலுங்கில் ஒரு படத்தை இயக்கி விட்டு பின்னர் தமிழிலும் படங்கள் இயக்கி வெற்றி கண்ட பிரபுதேவா இப்போது பாலிவுட்டின் முக்கிய கமர்சியல் இயக்குனராகி விட்டார்.
தற்போது தான் தெலுங்கில் இயக்கிய தூக்குடு என்ற படத்தை இந்தியில் ஆக்ஷன் ஜாக்சன் என்ற பெயரில் ரீமேக் செய்துள்ளார். அஜய்தேவ்கான், சோனாக்ஷி சின்ஹா அப்படத்தில் நடித்துள்ளனர். சோனாக்க்ஷி சின்ஹா பிரபுதேவா இயக்கத்தில் நடிக்கும் 3வது படம் இது.
இந்த நிலையில், நேற்று சென்னையில் பத்திரிகையாளர்களை அவர் சந்தித்தார். அப்போது, நல்ல கதை அமையும்போது மீண்டும் தமிழில் படங்களை இயக்குவேன் என்று சொன்ன அவரிடத்தில், தென்னிந்திய அளவில் உங்களுக்கு பிடித்தமான ஹீரோ யார்? என்று கேட்டகப்பட்டது.
அதற்கு அவர், எனக்கு பிடித்த நடிகர் விஜய்தான். காரணம் அவர்தான் தென்னிந்திய அளவில் சிறப்பாக நடனமாடக் கூடியவர். அதன் காரணமாகவே எனக்கு விஜய்யை அதிகமாக பிடிக்கும் என்றார்.