சவால் தான்... ஆனாலும் மகிழ்ச்சியே... - தமன்னா | 'கல்கி 2898 ஏடி' ரிலீஸ் ஜூன் 27-க்கு தள்ளிப்போனது | விஜய் பிறந்தநாளில் வெளியாகும் கோட் இரண்டாவது பாடல் | அல்லு அர்ஜூன் சம்பளம் ரூ.150 கோடியா... | நெல்சன் - விஜய்யின் கனவு படத்தில் யாரெல்லாம் நடிக்கிறார்கள் தெரியுமா ? | சிவசக்தியாக உருமாறிய தமன்னா | மம்முட்டிக்கு மாற்றாக நடிக்க பாலிவுட்டில் யாரும் இல்லை : வித்யாபாலன் பாராட்டு | சர்ச்சை நடிகருக்கு முன்பாக வேறு நடிகர் : புஷ்பா இயக்குனர் புது தகவல் | கேங்ஸ்டர் ரங்காவுக்கு ஏன் பிளாஷ்பேக் இல்லை ? ; ஆவேசம் இயக்குனர் | கவனம் பெறும் ‛ஸ்டார்' டிரைலர் : வெவ்வேறு லுக்கில் அசத்தும் கவின் |
தனுஷ் நடித்த 3 படத்தில் இசையமைப்பாளராக அறிமுகமான அனிருத், அதன்பிறகு எதிர்நீச்சல் படத்திலும் ஹிட் கொடுத்ததால் முன்னணி இசையமைப்பாளராகி விட்டார். வணக்கம் சென்னை உள்பட பல படங்களுக்கு இசையமைத்த அவர், ஆர்யா நடித்த இரண்டாம் உலகம் படத்துக்கு பின்னணி இசையமைத்தார். அந்த அளவுக்கு பாடல் மட்டுமின்றி அவரது பின்னணி இசைக்கும் இயக்குனர்கள் மத்தியில் வரவேற்பு எழுந்திருக்கிறது.
தற்போது, தனுஷ் நடித்து வரும் வேலையில்லா பட்டதாரி, சிவகார்த்திகேயன் நடிக்கும் மான்கராத்தே உள்பட சில மெகா படங்களுக்கு இசையமைத்து வரும் அனிருத், ஏ.ஆர்.முருகதாஸ் இயக்கத்தில் விஜய் நடிக்கயிருக்கும் புதிய படத்திற்கும் இசையமைக்க உள்ளார். ஆக, குறுகிய காலத்திலேயே முன்னணி இசையமைப்பாளர் அந்தஸ்தை எட்டிப்பிடித்து விட்டார்.
இந்நிலையில், சித்தார்த் நடித்த காதலில் சொதப்புவது எப்படி படத்தை இயக்கிய பாலாஜி மோகன் தற்போது இயக்கி வரும் வாய் மூடி பேசவும் படத்துக்கு இசையமைத்து தருவதாக 5 லட்சம் அட்வான்ஸ் வாங்கிய அனிருத், இப்போது அப்படத்திற்கு குறித்த நேரத்தில் இசையமைத்து தரவில்லை என்று ஷான் ராகவேந்திரா என்ற புதிய இசையமைப்பாளரை வைத்து இசையமைத்துக் கொண்டிருக்கிறார்களாம்.
இதனால், அனிருத்திடம் கொடுத்த அட்வான்சை திருப்பிக்கேட்டபோது, அவர் தரவில்லையாம். அதனால் அப்படத்தின் தயாரிப்பாளரான வருண் மணியன் இதுகுறித்து அனிருத் மீது தயாரிப்பாளர் சங்கத்தில் புகார் அளித்துள்ளார். இந்த புகார் குறித்த விசாரணை நடக்கிறதாம்.