சவால் தான்... ஆனாலும் மகிழ்ச்சியே... - தமன்னா | 'கல்கி 2898 ஏடி' ரிலீஸ் ஜூன் 27-க்கு தள்ளிப்போனது | விஜய் பிறந்தநாளில் வெளியாகும் கோட் இரண்டாவது பாடல் | அல்லு அர்ஜூன் சம்பளம் ரூ.150 கோடியா... | நெல்சன் - விஜய்யின் கனவு படத்தில் யாரெல்லாம் நடிக்கிறார்கள் தெரியுமா ? | சிவசக்தியாக உருமாறிய தமன்னா | மம்முட்டிக்கு மாற்றாக நடிக்க பாலிவுட்டில் யாரும் இல்லை : வித்யாபாலன் பாராட்டு | சர்ச்சை நடிகருக்கு முன்பாக வேறு நடிகர் : புஷ்பா இயக்குனர் புது தகவல் | கேங்ஸ்டர் ரங்காவுக்கு ஏன் பிளாஷ்பேக் இல்லை ? ; ஆவேசம் இயக்குனர் | கவனம் பெறும் ‛ஸ்டார்' டிரைலர் : வெவ்வேறு லுக்கில் அசத்தும் கவின் |
காதல் கொண்டேன், 7ஜி ரெயின்போ காலனி போன்ற காதல் படங்களையும் புதுப்பேட்டை என்ற ஆக்ஷ்ன் கலந்த ரவுடி கதையையும், ஆயிரத்தில் ஒருவன் என்ற சோழர் காலத்து கற்பனை கதையையும் கொடுத்த இயக்குநர் செல்வராகவன், இப்போது முற்றிலும் வித்தியாசமாக இரண்டாம் உலகம் எனும் படத்தையும் இயக்கியுள்ளார். இப்படம் இன்னும் சில தினங்களில் வெளியாக இருக்கிறது. இதுப்பற்றி அவர் அளித்த சிறப்பு பேட்டி இதோ...
* உங்கள் ஸ்டைலை தாண்டி, வேறு மாதிரியான படங்கள் செய்யும் எண்ணம் இல்லையா?
எந்த மாதிரியான படம் செய்யணும்னு, நீங்களே சொல்லுங்க. அதே மாதிரி, நான் செய்றேன். எனக்கான எந்த பார்முலாவும் இல்லாமல், கடைசி வரை, நல்ல படங்களா கொடுக்கணும்னு தான் ஆசைப்படுறேன்.
* இரண்டாம் உலகம் படத்திற்கு, ஹாரிஸ் ஜெயராஜ் இசையமைத்திருந்தார், இப்போது அனிருத்தும் சேர்ந்திருக்காரே?
ஹாரிஸ் ஜெயராஜ் தான் இசையமைத்திருந்தார். தயாரிப்பாளர் கொடுத்த காலக்கெடுவில், படத்தை முடிக்க வேண்டிய காலம் ரொம்ப குறைவா இருந்தது. அதனால், அனிருத் உள்ளே வந்து படத்தை முடிக்க உதவினார். படத்தில், மூன்று சிறிய பாடல்களை கொடுத்திருக்கார்.
* இதுவரை சொல்லாத விஷயங்கள், ஏதாவது, இந்த படத்தில் உள்ளதா?
இதுவரை நான் இயக்கிய படங்களில், கடவுள் பற்றி சொன்னதில்லை. இந்த படத்தில் சொல்லியிருக்கேன்.
* இரண்டாம் உலகம் படத்தில் என்ன சொல்லப் போறீங்க?
காதல், காதல், காதல், காதலை தவிர வேறு எதுவுமில்லை. உண்மையான காதல் புரிந்தவர்கள், திரையரங்குகளில் படம் பார்த்து விட்டு, வெளியில் வரும்போது, சந்தோஷமான ஒரு உணர்வோட வருவாங்க.
* நீங்க இதுவரை இயக்கிய படங்களில், இதுமாதிரி மற்றொரு படம் செய்யக்கூடாதுன்னு சொல்ற மாதிரி உங்க படம் ஏதும் இருக்கா?
நான் பண்ண எல்லா படங்களும் தான்; முதல் படத்தில் இருந்து வச்சிக்கங்களேன்.
* தமிழ் இயக்குனர்களில் நீங்க வியந்து பார்க்கும் இயக்குனர் யார்?
மணிரத்னம்.
* உங்க தம்பி தனுஷை வைத்து, அடுத்து எப்போ படம் இயக்க போறீங்க?
கொஞ்சம் டைம் ஆகும். ஏற்கனவே ஒத்துக் கொண்ட படங்களை முடிக்கவே கொஞ்ச ஆண்டு தேவைப்படுதே; பார்க்கலாம்.