Dinamalar

ஹீரோயின் ஆகும் ஆசை இல்லை: 'கூலி' மோனிகா பிளெஸ்சி

கேரளாவை சேர்ந்தவர் மோனிஷா பிளெஸ்சி. அம்மா தமிழ் நாடு. பிறந்து, வளர்ந்தது சென்னை. மீடியா மீதிருந்த ஆர்வம் காரணமாக மியூசிக் சேனல்களில் தொகுப்பாளராக பணியாற்றினார். சிவகார்த்திகேயன் நடித்த 'மாவீரன்' படத்தில் அவரது தங்கையாக சினிமாவில் அறிமுகமானார். விஜய்யின் 'ஜனநாயகன்', விஜய் ஆண்டனியின் 'லாயர்' படங்களிலும் நடித்துள்ளார். சமீபத்தில் வெளியான 'கூலி' படத்தில் ஸ்ருதிஹாசனின் தங்கையாக நடித்து கவனம் பெற்றுள்ளார்.

கூலி படத்தில் நடித்திருப்பது பற்றி அவர் கூறும்போது " கூலி' படத்தில் நடித்தது இப்போதும் கனவு போல் இருக்கிறது. படத்தில் ஹாஸ்டல் சண்டைக் காட்சியில் நடித்தபோது, எனது நடிப்பை கைதட்டி ரஜினிகாந்த் சார் பாராட்டியது மறக்க முடியாது. இப்போது விஜய் சாருடன் 'ஜனநாயகன்' படத்தில் நடித்து வருகிறேன். இது தவிர விஜய் ஆண்டனியின் 'லாயர்' படமும் இருக்கிறது.

சினிமாவில் நுழைந்த காலத்திலேயே ரஜினி சார், விஜய் சார், சிவா என மூவருடன் நடித்துவிட்டது பெருமையாக இருக்கிறது. ஹீரோயினாக நடிக்க வேண்டும் என்று எனக்கு விருப்பம் கிடையாது. காரணம், காதல் காட்சிகளில் பாடல்களில் நான் பொருந்துவேனா எனக்கு தெரியாது. கேரக்டர் ஆர்ட்டிஸ்ட்டாக நல்ல பெயர் எடுக்கவே விரும்புகிறேன். பஹத் பாசில், சாய் பல்லவி ஆகியோருடன் நடிக்க விரும்புகிறேன். வித்தியாசமான வேடங்களில் நடிக்க ஆர்வமாக இருக்கிறேன்" என்கிறார் மோனிஷா பிளெஸ்சி.

• 
  'தி பேமிலி மேன் 3' ரிலீஸ்: பதட்டமாகவும், சந்தோஷமாகவும் இருக்கு: மனோஜ் ...
• 
  நலமாக இருந்தால்தான் நல்லதைத் தர முடியும்: தீபிகா படுகோனே
• 
  பெரிய சம்பளத்தை மட்டுமே எதிர்பார்த்து நான் நடிப்பதில்லை : தீபிகா படுகோனே ...
• 
  ரன்வீர், சாரா நடித்துள்ள துரந்தர் பட டிரைலர் வெளியானது
• 
  இந்த 3 விஷயங்களும் முக்கியமானவை : தீபிகா படுகோனே

• 
  ராமன் தேடிய சீதை, பாட்ஷா, குடும்பஸ்தன் - ஞாயிறு திரைப்படங்கள்
• 
  இதயக்கனி, அன்புள்ள ரஜினிகாந்த், போர் தொழில் - ஞாயிறு திரைப்படங்கள்
• 
  ஆபாச படத்தைக் காட்டி 2 கோடி கேட்டு மிரட்டிய நடிகை
• 
  நான் ஏன் பிறந்தேன், முத்து, மார்கன் - ஞாயிறு திரைப்படங்கள்
• 
  உழைக்கும் கரங்கள், எஜமான், கண்ணப்பா - ஞாயிறு திரைப்படங்கள்