Dinamalar

சினிமாவில் 50... நம்ம சூப்பர் ஸ்டாரை நானும் பாராட்டுகிறேன் : கமல்

நடிகர் ரஜினிகாந்திற்கு சினிமாவில் இது பொன்விழா ஆண்டு. 1975ல் கே பாலசந்தரின் ‛அபூர்வ ராகங்கள்' படம் மூலம் அவர் திரையுலகில் அறிமுகமாகி ஆகஸ்ட் 15ம் தேதியுடன் 50 ஆண்டுகள் நிறைவடைய உள்ளது. இந்த 50ம் ஆண்டு கொண்டாட்டத்தில் அவரின் ‛கூலி' படமும் நாளை வெளியாகிறது. இதையொட்டி அரசியல் தலைவர்கள், திரையுலகினர் என பலரும் அவருக்கு வாழ்த்துகளை தெரிவித்து வருகின்றனர்.

கமல் வாழ்த்து
நடிகர் கமல் வெளியிட்ட வாழ்த்து பதிவில், “சினிமாவில் அரை நூற்றாண்டு என்பது அற்புதமானது. என் அன்பு நண்பர் ரஜினிகாந்த் சினிமாவில் 50 ஆண்டுகளைக் கொண்டாடுகிறார். நமது சூப்பர் ஸ்டாரை நானும் பாசத்துடனும், பாராட்டுடனும் கொண்டாடுகிறேன். இந்த பொன் விழாவிற்கு ஏற்ற உலகளாவிய வெற்றியை கூலி திரைப்படம் பெற வாழ்த்துகிறேன்” என குறிப்பிட்டுள்ளார்.

கூலி என் பயணத்தில் சிறப்பானது - லோகேஷ்
கூலி படத்தின் இயக்குனரான லோகேஷ் வெளியிட்ட பதிவில், ‛‛எனது சினிமா பயணத்தில் கூலி படம் சிறப்பானதாக இருக்கும். ரஜினிகாந்த் இணைந்ததும் எல்லோரும் அவர்களின் அன்பை காட்டினர். அதுவே இப்படம் சிறப்பாக உருவாக காரணம். இந்த வாய்ப்பிற்காக என்றும் நன்றியுடன் இருப்பேன். உங்களுடன் பகிர்ந்த உரையாடல்களை மறக்க முடியாத பொக்கிஷமாக வைத்திருப்பேன். எங்களை ஊக்கப்படுத்தியதற்கு என் இதயத்தில் இருந்து நன்றி சொல்கிறேன். இந்த 50 ஆண்டுகளில் உங்களை நேசிக்கவும், கற்கவும், உங்களுடன் வளரவும் செய்ததற்கு வாழ்த்துகள்'' என குறிப்பிட்டுள்ளார்.

• 
  துரந்தர் 2 ஒத்தி வைக்கப்படவில்லை : வதந்திக்கு முற்றுப்புள்ளி வைத்த ...
• 
  சாய் பல்லவியின் ‛ஏக் தீன்' ஹிந்தி படம் டீசருடன் ரிலீஸ் தேதி அறிவிப்பு
• 
  26 வருடங்களுக்குப் பிறகு மீண்டும் பிரியதர்ஷன் டைரக்ஷனில் நடிக்கும் தபு
• 
  பைரசியில் இருந்து அமீர்கான் படத்தை பாதுகாக்க சென்னை உயர்நீதிமன்றம் ...
• 
  சச்சினுடன் விரலால் கிரிக்கெட் விளையாடிய அமிதாப் பச்சன்

• 
  நாங்க இருக்கிறோம், ஆதரவு கொடுக்கிறோம் : அஜித்தை பார்க்க செல்லும் ...
• 
  ரீ ரிலீஸில் மோதும் விஜய், அஜித்
• 
  சூர்யாவுக்கு வைத்திருந்த 'இரும்புக் கை மாயாவி', கை மாறிவிட்டதா ?
• 
  பிரபாஸின் ஸ்பிரிட் பட ரிலீஸ் தேதி வெளியானது
• 
  ஜனவரி 23ல் ஓடிடியில் வெளியாகும் சிறை