Dinamalar

பிளாஷ்பேக்: ஜெய்சங்கர் வீட்டில் வேலை பார்த்த நடிகர்

சினிமா வாய்ப்பு தேடி சென்னை வந்த பலரும் ஓட்டலில், அல்லது கடையில் அல்லது ஒரு அலுவலகத்தில் உதவியாளராக பணியாற்றி இருப்பார்கள். ஆனால் ஒருவர் ஜெய்சங்கர் வீட்டில் வேலை பார்த்திருக்கிறார் அவர் குள்ளமணி.

புதுக்கோட்டை மாவட்டம் அரிமளத்தை சேர்ந்த குள்ளமணி 6ம் வகுப்பு வரை படித்தார். அவரது உயரக்குறைவை பலரும் கிண்டல் செய்யவே, சினிமா அல்லது சர்க்கசில் சேர்ந்து விடலாம் என்று சென்னை வந்தார். வந்த இடத்தில் வாய்ப்புகள் எதுவும் கிடைக்காததால் ஆர்ய பவன் ஓட்டலில் கிளீனராக வேலை பார்த்தார்.

ஓட்டலுக்கு சாப்பிட வந்த இயக்குனர் தூயவன் அவரை ஜெய் சங்கர் வீட்டில் வேலைக்கு சேர்த்து விட்டார். சில ஆண்டுகள் அந்த வீட்டில் ஒருவராக இருந்தார். ஜெய்சங்கரும், அவரது அம்மாவும் அவரை தங்கள் வீட்டு பிள்ளைபோல பார்த்துக் கொண்டார்கள். ஜெய்சங்கர் நடிக்கும் நாடகங்களில் சின்ன சின்ன வேடத்தில் நடிக்க தொடங்கினார்.

பின்னர் 'நவாப் நாற்காலி' என்ற படத்தில் நாகேசின் தம்பியாக நடித்து சினிமாவில் அறிமுகமானார். 'பொய்சாட்சி' படப்பிடிப்பை வேடிக்கை பார்க்க போன இடத்தில் கே.பாக்யராஜை சந்திக்க அவர் தனது படங்களில் வாய்ப்பு கொடுத்தார்.

'ஸ்ரீதேவி' என்ற படத்தில் மனித குரங்காக நடித்தபோது மரம் விட்டு மரம் தாவியதில் தவறி கீழே விழுந்து பல மாதங்கள் வேலை இல்லாமல் இருந்தார். அப்போது பண உதவி செய்து கவனித்தவர் ஜெய்சங்கர். 500 படங்களில் நடித்த குள்ளமணி 30வது வயதில் திருமணம் செய்து கொண்டார். 2013ம் ஆண்டு தனது 61வது வயதில் காலமானார். தனது வீட்டில் ஜெய்சங்கர் படத்தை வைத்து தெய்வமாக வணங்கி வந்தவர் குள்ளமணி.

• 
  பிரியதர்ஷன், அக்ஷய் குமார் படத்தில் விலகிய நடிகர் மீண்டும் இணைந்தார்
• 
  தீபிகாவிற்கு கிடைத்த கவுரவம் : 2026 ‛‛ஹாலிவுட் வாக் ஆப் பேம்'' -விற்கு ...
• 
  வார் 2 : ஹிருத்திக் ரோஷன், ஜூனியர் என்டிஆர் இடையே நடன போட்டி?
• 
  நேரடியாக ஓடிடியில் வெளியாகும் பிரித்விராஜின் ஹிந்தி படம்
• 
  மனைவியின் பிரிவால் ஒன்றரை ஆண்டு தினந்தோறும் குடித்தேன் : அமீர்கான்

• 
  டாக்டர் ஆக ஆசைப்பட்ட ஹீரோயின்
• 
  அமானுஷ்ய படத்தில் நட்டி : வரலாற்று பின்னணியில் உருவாகும் ‛நீலி'
• 
  ஜூலை 4ல் 7 படம் ரிலீஸ்... எந்த படம் ஓடுது
• 
  சினிமாவில் நடக்கும் அநியாயங்களை பேசியதால் வாய்ப்பில்லை, சமையல் செய்து ...
• 
  பிளாஷ்பேக் : 40 ஆண்டுகளுக்கு முன்பே நடிகரான கஸ்தூரி ராஜா