Dinamalar

'ஜனநாயகன்' முன்னோட்ட வீடியோ: பார்வைகளில் முன்னணி, விருப்பங்களில் பின்னணி

எச்.வினோத் இயக்கத்தில், அனிருத் இசையமைப்பில், விஜய், பூஜா ஹெக்டே மற்றும் பலர் நடிப்பில் உருவாகி வரும் படம் 'ஜனநாயகன்'. நேற்று விஜய் பிறந்தநாளை முன்னிட்டு இப்படத்தின் முதல் அறிமுக வீடியோ, 'த பர்ஸ்ட் ரோர்' என்ற பெயரில் வெளியானது. டீசர், டிரைலர் ஆகியவற்றை வெளியிடுவதற்கு முன்பாக முன்னணி நடிகர்களின் படங்களுக்கு இப்படி ஒரு 'க்ளிம்ப்ஸ்' வீடியோ வெளியிடுவது தற்போதைய டிரென்ட்.

நேற்று வெளியான இந்த வீடியோ யு டியூப் தளத்தில் 24 மணி நேரத்தில் 22.5 மில்லியன் பார்வைகளைப் பெற்று தமிழ் சினிமாவில் புதிய சாதனையைப் படைத்துள்ளது. பார்வைகளில் முன்னணி பெற்று சாதனை புரிந்தாலும் விருப்பங்களில் (லைக்ஸ்) அஜித் நடித்து வெளிவந்த 'வலிமை' படத்தின் இப்படியான முன்னோட்ட வீடியோ பெற்ற 7,85,000 லைக்குகளை விடவும் சற்றே பின் தங்கி 7,70,000 லைக்குகளைப் பெற்றுள்ளது.

இந்தியப் படங்களின் சாதனையில் 36 மில்லியன் பார்வைகளைப் பெற்ற 'டாக்சிக்', 31 மில்லியன் பெற்ற 'பெத்தி', 27 மில்லியன் பெற்ற 'புஷ்பா', 26 மில்லியன் பெற்ற 'தேவரா' ஆகிய படங்களின் 'க்ளிம்ப்ஸ்' வீடியோக்களுக்கு அடுத்து 5வது இடத்தைப் பெற்றுள்ளது 'ஜனநாயகன்' க்ளிம்ப்ஸ்.

அனைத்து தளங்களிலும் மொத்தமாக 24 மணி நேரத்தில் 32.4 மில்லியன் பார்வைகளைப் பெற்று தமிழ் சினிமா க்ளிம்ப்ஸ் வீடியோக்களில் இந்தப் படம் புதிய சாதனை படைத்துள்ளதாக தயாரிப்பு நிறுவனம் அறிவித்துள்ளது.

• இவரை பற்றி
• செய்திகள்
• ஆல்பம்
• வால் பேப்பர்கள்
• வீடியோ
• வந்த படங்கள்
• டுவிட்டர்

• 
  ஆமிர்கான் படத்திற்கு மகேஷ்பாபு பாராட்டு
• 
  முன்னாள் கணவருக்கு இறுதி அஞ்சலி செலுத்திய கரிஷ்மா கபூர்
• 
  அமீர்கான் படக்குழுவினரை நேரில் சந்தித்து உற்சாகப்படுத்திய ஷாருக்கான்
• 
  ‛பஞ்சாயத்து' சீரிஸ் என்னை இந்தியா முழுக்க அறிய வைத்திருக்கிறது - நீனா ...
• 
  ஐதராபாத் திரைப்பட நகரம் பற்றி கஜோல் பேச்சு : திரையுலகம் அதிர்ச்சி

• 
  போதைப்பொருள் வழக்கு: நடிகர் ஸ்ரீகாந்த் கைது?
• 
  சரிய வைத்த 'சிக்கந்தர்', காப்பாற்றிய 'குபேரா'
• 
  'கூலி' முதல் சிங்கிள் அப்டேட்… இன்று மாலை 6 மணிக்கு…
• 
  விஜய்க்கு வாழ்த்து போட்டோ: பரபரப்பை ஏற்படுத்திய திரிஷா
• 
  தென்னிந்தியப் படங்கள் இந்திய கலாச்சாரத்தை பிரதிபலிக்கின்றன : பவன் ...