Dinamalar

பிளாஷ்பேக்: 65 ஆண்டுகளுக்கு பிறகு கதை புகாரில் சிக்கிய 'மருதநாட்டு இளவரசி'

மக்கள் திலகம் எம்.ஜி.ஆர் நடித்த முக்கியமான படம் 'மருதநாட்டு இளவரசி'. இந்த படத்தில் அவர் வி.என்.ஜானகியோடு நடித்தார். இந்த படத்தில் நடிக்கும்போதுதான் இருவரும் காதல் கொண்டனர். அதனாலேயே இந்தப் படம் சினிமா வரலாற்றில் முக்கிய இடம் பிடித்தது.

இந்த படத்தின் கதை, வசனத்தை கருணாநிதி எழுதினார், ஏ.காசிலிங்கம் இயக்கினார், எம்.எஸ்.ஞானமணி இசை அமைத்தார். படம் பெரிய வெற்றி பெற்றது.
1950ம் ஆண்டு வெளியான இந்த படத்தின் கதை என்னுடையது என்று 65 ஆண்டுகளுக்கு பிறகு அதாவது 2015ம் ஆண்டு பாடலாசிரியர் பி.கே.முத்துசாமி என்பவர் புகார் கூறி பரபரப்பை ஏற்படுத்தினார்.

இதுகுறித்து அவர் அப்போது கூறியதாவது: நானும், கருணாநிதியும் நெருக்கமான நண்பர்களாக இருந்தோம். நான் எழுதிய கதைகளை அவரிடம் காட்டி அவரது அபிப்ராயத்தை கேட்பது வழக்கம். அதன்படி 1949ம் ஆண்டு அவரிடம் ஒரு கதையை சொன்னேன். அந்த கதையை சில மாற்றங்களுடன் 'மருநாட்டு இளவரசியாக' மாற்றி விட்டார். படத்தில் இடம்பெற்ற பல வசனங்களும் நான் எழுதியதுதான். இது தொடர்பாக நான் அப்போதே கருணாநிதியோடு சண்டை போட்டேன்" என்றார்.
கருணாநிதி அரசியலில் பெரும் செல்வாக்கு பெற்றுவிட்ட சக்திமிக்க தலைவராக இருந்ததால் இந்த புகார் பெரிதாக கண்டுகொள்ளப்படவில்லை.

புகார் கூறிய பி.கே.முத்துசாமி நாமக்கல்லை சேர்ந்தவர். "காவேரியின் கணவன்" படத்தில் இடம்பெற்ற "சின்ன நடை நடந்து வந்து" என்ற பாடல் உட்பட 60க்கும் மேற்பட்ட பாடல்களை முத்துசாமி எழுதியுள்ளார்.

நாடகத்திற்கு கதை, வசனம் எழுதிவந்த முத்துசாமி, 'தை பிறந்தால் வாழி பிறக்கும்' என்ற படத்தைத் தயாரிக்கும் முயற்சியில் தனது சொத்துக்கள் அனைத்தையும் இழந்தார். அவரது மனைவி இறந்த பிறகு, அவர் நாமக்கல்லில் ஒரு வாடகை வீட்டில் தனியாக வசித்து வந்தார். ஏழை எழுத்தாளர்களுக்கு தமிழக அரசு வழங்கிய மாதம் 1500 ரூபாய் பணத்தில் வாழ்க்கை நடத்தினார்.

முன்னாள் முதல்வர்கள் சி.என்.அண்ணாதுரை எம்.ஜி.ஆர் மற்றும் ஜெயலலிதா ஆகியோரைப் புகழ்ந்து பல பாடல்களை பி.கே.முத்துசாமி எழுதியுள்ளது குறிப்பிடத்தக்கது.

• 
  கத்ரினா கைப் - விக்கி கவுஷல் நட்சத்திர தம்பதிக்கு ஆண் குழந்தை பிறந்தது!
• 
  வெப் தொடரான கார்கில் போர்
• 
  மகேஷ்பாபுவின் கிண்டலுக்கு பிரியங்கா சோப்ரா பதில்
• 
  இன்றைய ரசிகர்கள் எப்போதும் இல்லாத அளவுக்கு புத்திசாலிகளாக உள்ளனர் : யாமி ...
• 
  நிகழ்ச்சிக்கு தாமதமாக வந்த மாதுரி தீக்ஷித் : கோபத்தில் வெளியேறிய ...

• 
  ஜெயிலர் 2 படத்தை பாலகிருஷ்ணா எதனால் நிராகரித்தார்?
• 
  சைபர் கிரைம் மோசடி - ருக்மணி வசந்த் எச்சரிக்கை செய்தி
• 
  2026 பிப்ரவரியில் திரைக்கு வரும் வெங்கட் பிரபுவின் பார்ட்டி
• 
  கோவா சர்வதேச திரைப்பட விழாவில் ரஜினிக்கு பாராட்டு விழா
• 
  உருவக்கேலியை ஏற்க முடியாது ; ஆதரித்தவர்களுக்கு நன்றி : கவுரி கஷன் அறிக்கை