Dinamalar

வில்லன் நடிகரின் துக்கத்தை பப்ளிசிட்டிக்கு பயன்படுத்துகிறதா படக்குழு?

பிரபல மலையாள நடிகர் ஷைன் டாம் சாக்கோ. பெரும்பாலும் வில்லன் கதாபாத்திரங்களில் நடித்து வரும் இவர் ஒரு சில படங்களில் கதையின் நாயகனாகவும் நடித்து வருகிறார். சமீபத்தில் இவர் தனது குடும்பத்துடன் தனது சிகிச்சைக்காக பெங்களூருக்கு சென்றபோது இவர்களது கார் தர்மபுரி அருகே விபத்தில் சிக்கி அவரது தந்தை சம்பவ இடத்திலேயே பலியானார். கடந்த மூன்று தினங்களுக்கு முன் இந்த விபத்து நடந்தாலும் நேற்று முன்தினம் தான் அவரது தந்தையின் இறுதிச் சடங்கு நடைபெற்றது. ஷைன் டாம் சாக்கோவும் அவரது தாயாரும் மருத்துவமனையில் சிகிச்சை பெற்று வருகின்றனர்.

இந்த நிலையில் அவர் கதையின் நாயகனாக நடித்துள்ள 'தி புரொடக்டர்' என்கிற படம் வரும் ஜூன் 13ம் தேதி வெளியிட திட்டமிடப்பட்டுள்ளது. இந்த படத்தின் டீசர் தற்போது வெளியாகி உள்ளது. இயக்குனர் ஜி.எம் மனு என்பவர் இந்த படத்தை இயக்கியுள்ளார். இந்த படத்தின் ரிலீஸ் தேதி இதற்கு முன்பாக அதிகாரப்பூர்வமாக அறிவிக்கப்படாத நிலையில் இப்படி திடீரென ஜூன் 13ம் தேதி அறிவிக்கப்பட்டுள்ளது ஆச்சரியத்தை தருகிறது.

குறிப்பாக ஷைன் டாம் சாக்கோ வீட்டில் நடைபெற்றுள்ள துக்க நிகழ்வு கடந்த சில நாட்களாகவே கேரளாவில் அனைவரிடமும் கவனம் பெற்றுள்ளதால் இதை ஒரு பப்ளிசிட்டியாக பயன்படுத்தி இந்த படத்தை உடனடியாக ரிலீஸ் செய்ய படக்குழுவினர் திட்டமிட்டுள்ளார்கள் என்றே சொல்லப்படுகிறது. இப்படி ஒரு நடிகர் துக்கத்தில் இருக்கும்போது அதை பப்ளிசிட்டிக்கு பயன்படுத்தலாமா என்று நெட்டிசன்கள் பலரும் தங்களது விமர்சனங்களை வெளிப்படுத்தி வருகின்றனர்.

• 
  ஆனந்த்.எல்.ராய் இயக்கத்தில் இணையும் முன்னனி நடிகைகள்
• 
  60 கோடி செலுத்த ஷில்பா ஷெட்டி, ராஜ் குந்த்ராவுக்கு நீதிமன்றம் உத்தரவு
• 
  பழம்பெரும் பாலிவுட் நடிகை சந்தியா சாந்தாராம் காலமானார்
• 
  5 வருடத்திற்கு பிறகு பாஸ்போர்ட்டை திரும்பப்பெற்ற ரியா சக்கரவர்த்தி
• 
  மகளின் நிர்வாண புகைப்படத்தை அனுப்ப சொன்னார்கள் : அக்ஷய் குமார் அதிர்ச்சி ...

• 
  வைக்கப்பட்ட சீல் அகற்ற துணை முதல்வர் உத்தரவு, 'கன்னட பிக் பாஸ்' ...
• 
  திருமணம் செய்து கொள்ளாமல் இரட்டை குழந்தை பெற்றெடுத்த நடிகை பாவனா ரமண்ணா!
• 
  அடூர் கோபாலகிருஷ்ணன் படத்தில் நடிக்காததால் தான் மோகன்லால் சூப்பர் ...
• 
  துல்கர் சல்மான் கார் பறிமுதல் விவகாரம் ; சுங்கத்துறைக்கு நீதிமன்றம் ...
• 
  இந்திய ராணுவ தலைமை தளபதி ஜெனரலை சந்தித்த மோகன்லால்