Dinamalar

மகன் அகில் திருமணம்: அம்மா அமலா நெகிழ்ச்சிப் பதிவு

தமிழில் டி.ராஜேந்தர் இயக்கிய 'மைதிலி என்னை காதலி' படம் மூலம் கதாநாயகியாக அறிமுகமானவர் அமலா. தொடர்ந்து 'வேலைக்காரன், வேதம் புதிது, அக்னி நட்சத்திரம், கொடி பறக்குது, சத்யா, ஜீவா, மாப்பிள்ளை, வெற்றிவிழா, மௌனம் சம்மதம், கற்பூர முல்லை' என ஐந்தே வருடங்களில் பல வெற்றிப் படங்களிலும் முன்னணி கதாநாயகர்களுடனும் நடித்துள்ளார்.

தெலுங்கு, ஹிந்தி, கன்னடம், மலையாளம் ஆகிய மொழிகளிலும் நடித்துள்ள அமலா தெலுங்கில் நடிகர் நாகார்ஜுனாவுடன் நடிக்கும் போது காதல் வயப்பட்டு அவரை 1992ம் ஆண்டு திருமணம் செய்து கொண்டு ஹைதராபாத்திலேயே செட்டிலாகிவிட்டார். அவர்களுக்கு அகில் என்ற ஒரே மகன் உள்ளார். தெலுங்கு சினிமாவில் கதாநாயகனாக நடித்து வரும் அகில், ஒரு பெரிய வெற்றிக்காக இன்னும் காத்திருக்கிறார்.

அகிலுக்கும் ஜைனப் ரட்வ்ஜி என்பவருக்கும் நேற்று ஹைதராபாத்தில் திருமணம் நடந்தது. திருமணம் முடிந்த பின்பு இன்ஸ்டா தளத்தில் நெகிழ்ச்சியாக ஒரு பதிவிட்டுள்ளார் அமலா. “எனது அன்பு மகன் அகில் தனது அன்புக்குரிய ஜைனப்பை அதிகாலையில் (3.35) எங்கள் வீட்டில் நடந்த ஒரு நெருக்கமான விழாவில் திருமணம் செய்து கொண்டார் என்பதை மிகுந்த மகிழ்ச்சியுடன் பகிர்ந்து கொள்கிறேன்.

நாகார்ஜுனாவுக்கும் எனக்கும் இது கனவு நனவான ஒரு தருணம். நாங்கள் எங்களது அன்பையும், சிரிப்பையும், அரவணைப்பையும் எங்களுக்கு நெருக்கமானவர்களுடன் பகிர்ந்து கொண்டோம்.

ஒரு புதிய அத்தியாயத்தை ஒன்றாகத் தொடங்கும் போது உங்கள் ஆசீர்வாதங்களையும் நல்வாழ்த்துகளையும் நான் கோருகிறேன். அன்புடனும் நன்றியுடனும்,” எனக் குறிப்பிட்டுள்ளார்.

• செய்திகள்
• ஆல்பம்
• வந்த படங்கள்
• வரவிருக்கும் படங்கள்

• செய்திகள்
• வரவிருக்கும் படங்கள்

• 
  தெலுங்கில் டப் செய்யப்படும் ரன்வீர் சிங்கின் 'துரந்தர்'
• 
  16 வயதுக்கு கீழ் உள்ளவர்களுக்கு தடை செய்ய வேண்டும் : சோனு சூட்
• 
  விவாகரத்து வதந்தி : கடும் கோபத்தை வெளிப்படுத்திய அபிஷேக் பச்சன்
• 
  பாகிஸ்தானுக்கு எதிரான கதையா? ரன்வீர் சிங்கின் துரந்தர் படத்திற்கு தடை
• 
  பனாரஸில் தேவநாகரி லோகோ உடன் ஒளிர்ந்த அவதார் பயர் அண்ட் ஆஷ்

• 
  நீதிமன்ற தீர்ப்பு எனக்கு ஆச்சர்யமளிக்கவில்லை : நடிகை அறிக்கை
• 
  அவதார் 3 ரிலீஸ் : ஒதுங்கும் தமிழ்ப் படங்கள்
• 
  விஜயகாந்தின் நல்ல மனசு : சரத்குமார் உருக்கம்
• 
  அப்பா ரஜினி படத்தை இயக்குகிறேனா? : மகள் சவுந்தர்யா சொன்ன பதில்
• 
  இளையராஜாவும், யுவுனும் இணைந்து பாடிய அம்மா சென்டிமென்ட் பாடல்