Dinamalar

சூப்பர்மேன் கதையுடன் இயக்குனராக அறிமுகமாகும் உன்னி முகுந்தன்

மலையாள திரையுலகில் நடிகர்கள் அவ்வப்போது இயக்குனராக மாறி வருகிறார்கள். இதற்கு முன்பு பிரித்விராஜ், அடுத்து மோகன்லால் ஆகியோர் தங்களுக்குள் இருந்த படைப்பாளிக்கு இயக்குனர் உருவம் கொடுத்து படங்களை இயக்கி விட்டார்கள். அந்த பட்டியலில் அடுத்ததாக இணைகிறார் மலையாள இளம் முன்னணி நடிகர் உன்னி முகுந்தன். கடந்த இரண்டு வருடங்களுக்கு மேலாகவே இவர் நடிக்கும் படங்கள் 100 கோடி வசூல் கிளப்பில் எளிதாக இணைந்து வருகின்றன. அதுமட்டுமல்ல தனது படங்களை தானே தயாரித்து வெற்றிகரமான தயாரிப்பாளராகவும் வலம் வருகிறார்.

கடந்த சில மாதங்களுக்கு முன்பு இவரது நடிப்பில் வெளியான 'மார்கோ' திரைப்படம் 100 கோடிக்கு மேல் வசூலித்து ஆச்சரியப்படுத்தியது. இந்த நிலையில் தானும் இயக்குனராக போவதாக அறிவித்துள்ள உன்னி முகுந்தன், ஒரு சூப்பர் ஹீரோ கதையம்சத்துடன் களத்தில் இறங்குகிறார், சூப்பர் ஹீரோவுக்கான கட்டு மஸ்தான உடல் தோற்றம் கொண்டவர் தான் உன்னி முகுந்தன்.

இதற்கு முன்பு மலையாளத்தில் கடந்த சில வருடங்களுக்கு முன்பு 'மின்னல் முரளி' என்கிற சூப்பர் ஹீரோ கதையம்சம் கொண்ட படம் வெளியானது. அதேசமயம் அதிலிருந்து முற்றிலும் மாறுபட்டு, “காமிக்ஸ் கதைகளில் படித்த அல்லது புராணங்களில் கேள்விபபட்டுள்ள, அவ்வளவு ஏன் என்னுடைய கனவில் கூட அடிக்கடி தோன்றியுள்ள சூப்பர் மேன் எப்படி இருப்பார் என்று ஒரு கற்பனை செய்து வைத்திருக்கிறேன் அதற்கு இந்த படத்தில் உருவம் கொடுக்கப் போகிறேன்” என்று கூறியுள்ளார் உன்னி முகுந்தன்.

• 
  சாய்பல்லவி நடித்த முதல் ஹிந்தி பாடலுக்கு வரவேற்பு
• 
  துரந்தர் 2 : படம் பார்க்காமல் பாராட்டிய ஆமிர்கான்
• 
  ஒரே வாரத்தில் ஆயிரம் கோடி வசூல் செய்த துரந்தர் 2
• 
  போலி 'ஏஐ' வீடியோக்கள் : 'துரந்தர்' இயக்குனர் ஆதித்ய தர் எச்சரிக்கை
• 
  எனது நடிப்பில் பன்முகத் திறமையை வெளிப்படுத்த விரும்புகிறேன் : ராஜ்பால் ...

• 
  கர படத்தை தமிழகத்தில் வெளியிடும் ரெட் ஜெயன்ட் நிறுவனம்
• 
  பாய்ஸ் படத்தை ரீ ரிலீஸ் செய்ய தயாரிப்பாளர் திட்டம்
• 
  ரசிங்க, விமர்சனம் செய்யாதீங்க : திஷா பதானி
• 
  ‛சிறை' அனிஷ்மாவின் மூன்றாவது தமிழ் படம்
• 
  எனக்கு கிடைத்த இரண்டு சகோதரர்கள் : பவன் கல்யாண் மனைவி நெகிழ்ச்சி